—Deus uikuwaa upe apigawaita irumu ae. Deus uiku kuri aintairumu; Deus miraita ainta; Deus kuri uiku kuri aintairumu. 4 Asui uyusi aintaresa yukise panye, tikuri yamaa manusawa, tikuri aintauyaxiu manusawa resewara, tikuri yuiri sasiyara ainta, tiyuiri kuri aintaupurara sasi nyãse usasawana panye kuximawara. 5 Asui kua uwapikawaa itrunu upe umbeu:

—Hamunya pisasua panye. Asui umbeu ixe arama:

—Rempinima nyãse supiwa kua hambeuwaa hamunya kuri kuaye hambeuwaa yawe. 6 Asui umbeu ixe arama:

—Hamunyana panye. Ixete kua Alfa, Umega yuiri, ixete kua uyupirungawa, ixete kua anyu aramawaa. Awa iisi hamee kuri ixupe arama sikuyaraimawaa uu arama ii rukena sui kua ii upakawaa. 7 Kua umuseranawaa uriku kuri kuaita, asui iDeus kuri ixe, asui seraira kuri ae. 8 Maa kuaita usikiewaita, kuaita tiwaita uruyari, kuaita puxuwerawaita yamaa, kuaita uyukáwaita mira yuiri, kuaita warixiwaita, kuaita payeita yuiri, kuaita upuranduwaita idulu irumu yuiri, asui panye gananiwerawaita yuiri aintausu aintauiku tata upe ukaiwaa enxufre irumu, aete manusawa mukuĩsawa.

9 Asui uri sepiri yepe anju aintasuiwara kuaita setiwaita urikuwaita seti kupu teresemu puxuwerawa irumu, asui umbeu ixe arama:

—Reyuiriana, hamukame kuri remaa kua nuiva, kurderu rimiriku. 10 Asui urasu ixe Espiritu ukuawasawa irumu yepe iwitera iwatewaa kiti, asui umukame hamaa kua tetama purangawaa, Jeruzalẽ, kua uwiyewaa iwaka sui Deus sui. 11 Asui uriku Deus purangasawa. Asui werawerawaa kuaye ita sendiwaa yawe, kuaye ita jaspe sendiwaa. 12 Turusu iwatewaa ikurara, uriku duzi ukena, asui ukena ruaki duzi anju, asui ukena rese uxari aintarera kuaita aintasuiwaraita kuaita Israel rairaita duziwaita. 13 Asui hamaa musapiri ukena kurasi usemuwaa banda sui; musapiri yuiri kurasi arukanga banda kiti; musapiri yuiri kurasi arukanga banda ruaxara kiti; asui musapiri yuiri kurasi uwikewaa banda kiti. 14 Asui kua tetama kurara uriku duzi ipitasukawa, asui aintarese aintarera aintayaweyawe kuaita duziwaita umunduwaita kua kurderu. 15 Asui kua upurungitawaa seirumu uriku yepe mirai uru suiwara umediriwaa rupiara umediri arama kua tetama, sukenaita yuiri, asui ikurara yuiri. 16 Asui kua tetama yepewasu panye ipukusawa, panye ilargusawa yuiri. Asui umediri kua tetama mirai uru suiwara irumu duzi mili estadius ae. Yepewasu ipukusawa ilargusawa iwatesawa yuiri. 17 Umediri yuiri kua ikurara sentu kuarenta kuatru kuvadu apigawa rangawa anju rangawa yuiri. 18 Ikurara ita jaspe suiwara ae, asui kua tetama urupawa ae kuaye vidru sendiwaa yawe. 19 Tetama kurara ipitasukawa uyumpurangawaa ita sendiwaa irumu. Asui kua primeru ipitasukawa ita jaspe ae; asui kua mukuĩsawa ipitasukawa ita safira ae; asui kua musapirisawa ita kalsedunia ae; asui kua kuatrusa ipitasukawa ita esmeralda ae; 20 Asui kua sinkusa ipitasukawa ita sarduniu ae; asui seisa ipitasukawa ita sardia ae; asui setisa ipitasukawa ita krizulitu ae; asui uitusa ipitasukawa ita berilu ae; asui nuvisa ipitasukawa ita tupaziu ae; asui dezisa ipitasukawa ita krizuprazu ae; asui unzisa ipitasukawa ita jasintu ae; asui duzisa ipitasukawa ita ametista ae. 21 Asui duzi ukena duzi perula ainta. Aintayaweyawe ukena perula ainta. Tetama rukara urupawa kuaye vidru sendiwaa yawe. 22 Tihamaa templu kua tetama upe, nyãse itemplu aete kua yaneruixawa Deus kirimbawawaa panye sui, aete yuiri kua kurderu. 23 Kua tetama timaa arama kurasi tiyuiri yasi umuturi arama ae ape, nyãse yaneruixawa purangasawa umuturiwaa ae, asui ituri aete kua kurderu. 24 Asui kuaita miraita aintauwata umuturiwaa upe, asui kuaita tuixawaita kua mundu upe aintaurasu ixupe aintapurangasawa. 25 Asui tikuri aintausikindawa ukena ape ara rame nyãse tiyamaa pituna ape. 26 Asui aintaurasu kuri ixupe aintapurangasawa kuaita miraita aintausikie resewara aintaumaa ae. 27 Timaa kuri puxuwerawa uwike akiti, tiyuiri kua umunyawaa puxi gananisawa yuiri, maa anyunte aintauwike kuaita umpinimawaita aintarera kurderu livru upakawaa upe.