5 Asui kuiri haputari haxari pemanduari ae, aintaumbeu rame penye sese panye, umukaturu kuera kuaita miraita Egitu sui, asui arire uxari aintaukanyemu kuaita tiwaita uruyari. 6 Asui kuaita anjuita tiwaita uiku interu, maa aintauxari aintauiku rendawa, umukaturu pitunawasuwaa upe, upukuari ainta kurenti tiwa upawa irumu senunde kua ara turusuwaa umbeu arama aintaresewara. 7 Yawete yuiri Suduma, Gumura yuiri, aintayuiri kuaita tetamaita aintaruakiwaita aintauyuxariwaa aintapawa warixisawa supe, aintaumunya arama tenyuntu aintapira irumu aintairumu kuaita tiwaita mira ainta, asui kuiri aintaupurara tata tiwa upawa upe, pemaa arama pesui. 8 Yawete yuiri kuaita apigawaita ikerupiwaita, aintaumunya puxi aintapira upe, tiaintauruyari guvernu, aintaumbeu puxi serakuenawaita rese yuiri. 9 Maa kua arkanju serawaa Migel umaramunya rame Yurupari irumu sesewara kua Muize ipira kuera, timaa umbeu ixupe kirimbawa, maa umbeu: "Yaneruixawa kuri umbeu neresewara." 10 Maa kuaita apigawaita aintaumbeu puxi sese panye kua tiwa aintaukuawa, panye sese kua aintaukuawa yuiri, asui aintauyumuaiwa kuri ipupe kua aintaumunyawaa kuaye suu yawe. 11 Puxuwera kuri aintarese, nyãse aintauwata Kaim rapee rupi, asui aintaumuasi resewara aintaumunya puxi kuaye Balaão yawe, asui aintaumanu tiresewara aintauruyari kuaye Kure yawe. 12 Kuaita apigawaita kuaye itaita tiipiimawaa yawe pepiterupi peyumuatiri rame pembau peyugustari resewara, tiaintausikie aintauyumuatiri aintaumbau arama, anyunte aintauyumaa aintapawate, kuaye nuvẽ yawe tiwa uriku ii iwitu upeyuwaa, kuaye mirá iyaimawaa ainta sangawa upe, mukuĩ viaji umanu ainta, tiaintauriku aintarapu. 13 Kuaye parana turusuwaa gapenusawa yawaitewaa yawe ainta, aintaumburi aintasui aintatiesawa kua aintaumunyawaa tenyuntu, kuaye estrela uyusupariwaa yawe ainta, umukaturu aintarunde kua pitunawasuwaa yawewarawate. 14 Aintarese utitika kuera kua Enuki kua Adão rimiariru, unyee: "Xukui uri aintairumu kua Yaneruixawa kuaita siyawaita purangawaita, 15 Uri arama umbeu aintaresewara panye, umbeu arama aintapuxuwerasawa kuaita tiwaita umanduari ae aintaumunyawaita tiresewara aintaumanduari ae, umbeu arama yuiri kua puxuwerawa aintaumbeuwaa sese kuaita puxuwerawaita tiwaita umanduari ae." 16 Uyakawawaita ainta, sasiyarawaita ainta, umunyawaita ainta kuaye aintapira uputariwaa yawe, umuseranawaita ainta turusu, aintaumusasawa ainta supe nyenga kuaita amuita aintauriku arama kuri purangawaa aintapawate.

17 Maa penye hagustariwaita, perikute pemanduari kua aintautitikawaa sese kuaita yaneruixawa Jesus Kristu umunduwaita. 18 Yawe kuera aintaumbeu penye arama: "Anyu aramawaa upe kuri aintauri kuri kuaita ukasuariwaita aintaumunya puxi kuaye aintapira uputariwaa yawe." 19 Aete kuaita uxariwaita aintautirika aintasui, kua mundu yaraita ainta, tiaintauriku kua Espiritu. 20 Maa penye hagustariwaita, peyukiriari puranga sese kua uruyarisawa purangawaa, pepurandu Deus irumu kua Espiritu Santu. 21 Peiku puranga sese kua gustarisawa Deus suiwara, pesaru pirasua umaa penye arama kua yaneruixawa Jesus Kristu periku arama kuri kua mundu tiwa upawa. 22 Pirasua pemaa ainta supe arama kuaita yepeyepe mukuĩwaita umanduarisawa; 23 Pemukaturu ainta peyuka resewara ainta tata sui, asui kuaita yepeyepe pirasua pemaa ainta supe pesikie resewara aintasui, puxi pemaa aintarupa aintaumukiawaa ipupe kua aintaumunyawaa aintapira irumu.

24 Kuiri kua upuderiwaa umukaturu penye tiarama pewari, kua uxariwaa peiku ikiaimawaa suuri umaa kua purangawaa, 25 Yamee ixupe arama purangawaa kua Deus yepenyuwaa kua umukaturuwaa yande ipupe kua yaneruixawa Jesus Kristu, aete yaneruixawa, aete yaneruixawa purangawaa, aete kua umunduwaa yande kuxima mundu rundere kuiri yuiri, yawewarawate yuiri, amem.