—Pemutirika ixe arama kuiri nyã Barnabe Saulu yuiri aintaumunya arama kua muraki hasenuiwaa ainta sesewara. 3 Asui aintauyukuaku aintauiku rire aintaupurandu Deus irumu aintauxari aintaipu aintarese asui aintaumundu aintausu arama.

4 Asui Espiritu Santu umundu resewara ainta aintausu Seleusia kiti asui aintausu Xipri kiti. 5 Asui aintausu rame aintauiku Salamina kiti aintaumbue Deus nyenga aintasinaguga upe kuaita judewita, asui Juão uajudari ainta. 6 Asui aintausasawa panye kaapuamu rupi ate Pafu kiti, asui aintauwasemu yepe paye judeu utitikawaa ugananiwaa ae, serawaa Barjesus. 7 Asui uiku irumu kua aintaruixawa ukuawawaa serawaa Serjiu Paulu. Asui kua tuixawa usenui ipiri kua Barnabe Saulu yuiri uputari usendu kua Deus nyenga. 8 Maa kua paye serawaa yuiri Elima, umuruanyana ainta, uputari uganani kua tuixawa tiarama uruyari puranga. 9 Maa kua Saulu serawaa yuiri Paulu teresemu ae Espiritu Santu irumu kirimbawa umaa ixupe kua paye, umbeu ixupe: 10 —Inde Yurupari raira, teresemu inde panye gananisawa irumu panye puxuwerasawa irumu, indete suanyana panye kua purangawaa. Maitaa tinekuere inde remuapara yaneruixawa rapee satambikawaa? 11 Asui kuiri yaneruixawa uxari ipu nerese sesaima arama inde yepe tempu. Asui aramete uwari sese nuvi yawewaa pitunawasuwaa yuiri, asui uwata usu usikari amu uruwata arama ae ipu irumu. 12 Asui kua tuixawa uruyari umaa irumu kua usasawawaa, asui iakayemu usendu kua nyenga yaneruixawa rese.

13 Asui Paulu usu Pafu kiti sumuaraita irumu, asui aintausu Perje kiti Panfilia upe, asui Juão uxari aintauyuiri Jeruzalẽ kiti 14 Maa aintausasawa Perje aintausu Antiukia kiti Pizidia upe, asui sauru rame aintausu aintauwapika sinaguga upe. 15 Aintauleri rire Muize nyenga aintanyenga yuiri kuaita utitikawaita kuaita usaruwaita sinaguga aintaumundu kuekatu ainta supe arama aintaumbeu:

—Yanemuita, periku rame yepe nyenga pembue arama kuaita miraita, pembeu ae.

16 Asui Paulu upuamu umukiriri ainta ipu irumu unyee:

—Penye apigawaita israelitaita, penye yuiri amuita usikiewaita Deus sui, pesendu senyenga. 17 AintaDeus kuaita israelitaita uparawaka kuaita yaneramunyaita asui uxari siya arama ainta aintauiku ramere Egitu kiti, asui urasu ainta Egitu sui iyuwa kirimbawawaa irumu. 18 Asui Deus uaguentari aintairumu kuaji kuarenta akayu kampu upe. 19 Asui umukanyemu rire seti miraita aintaiwi sui Kanaã upe uxari ainta supe aintayara arama iwi aintayaweyawe. 20 Yawe aintauiku kuaji kuatrusentu sinkuenta akayu. Asui uxari ainta supe serakuenawaita ate usika Samuel tempu kua utitikawaa. 21 Asui aintaupurandu Deus irumu yepe aintaruixawa arama, asui Deus uxari aintaruixawa Saul, Kizi raira ae, Benjamĩ rimiariru ae, aintaruixawa ae kuarenta akayu. 22 Asui Deus umburi ae asui uxari ainta supe aintaruixawa arama Davi, kua umbeuwaa sese:

—Hawasemu Davi taira kua Jese yepe apigawa kuaye sepia uputariwaa yawe, umunya kuri kuaye haputariwaa yawe. 23 Asui Davi rimiariruita pitera sui Deus uxari israelitaita supe kua umukaturu aramawaa Jesus kuaye umbeuwaa yawe. 24 Asui senundere uri kua Juão umbue kuaita israelitaita sese kua batizmu sasiyara resewara aintaumanduari aintapekadu. 25 Asui Juão umbawa irumu imuraki umbeu:

—Maitaa pemanduari ixe? Timaa ixe ae. Maa serakakuera uri yepe puranga piriwaa sesui timaa puranga ixe hayawika arama hayurawa isapatu ipi sui. 26 Semuita, penye Abraão rimiariruita, penye yuiri penye amuita pesikiewaita Deus sui, umundu yande arama kua inyenga sese kua umukaturu aramawaa yande. 27 Nyãse kuaita miraita Jeruzalẽ kiti kuaita yuiri aintaruixawaita tiresewara aintaukunyeseri Jesus tiyuiri aintaukuawa mayesawa aintanyenga kuaita utitikawaita kua aintauleriwaa muiri sauru, aintauxari aintauyuká ae kuaye aintaumbeuwaa yawe kuaita utitikawaita. 28 Tiaintauwasemu sese ipuxuwerasawa aintauyuká arama ae, maa aintaupurandu Pilatu irumu uxari arama aintauyuká ae. 29 Asui aintaumunya rire ixupe panye kuaye aintaumpinimawaa yawe sese aintaumuye kurusa sui ae asui aintauxari ae iwi kuara kiti. 30 Maa Deus usupiri ae manusawa sui. 31 Asui siya ara uxari aintaumaa ae kuaita uriwaita Galileya sui irumu Jeruzalẽ kiti, aintate kuiri kuaita umbeuwaita sese ainta supe kuaita miraita. 32 Asui kuiri yarasu penye arama kua nyenga purangawaa Deus umbeuwaa yaneramunyaita supe. 33 Deus umunya yande arama, yande tairaita, kuaye umbeuwaa yawe usupiri resewara Jesus, yawete yuiri umpinima Salmu kapitulu mukuĩ upe: "Indete seraira, uyi ara haxari renaseri." 34 Asui Deus umbeu sese yakuawa arama supiwa usupiri ae manusawa sui tiarama kuri iyuka. Unyee:

—Haxari kuri inde arama kua puranga piriwaa supiwa hambeuwaa Davi supe. 35 Ape umbeu yuiri amu Salmu upe: "Tikuri rexari nepurangawaa iyuka." 36 Nyãse umanu Davi umunya rire kua Deus umbeuwaa ainta supe kuaita imiraita asui aintaumburi ae samunya ambiraita ruaki, asui iyuka ae. 37 Maa tiyuka kua Deus usupiriwaa. 38 Ape semuita, haputari pekuawa kuiri yambeu penye arama sese kua upuderiwaa umburi pesui pepekadu. 39 Asui mayewaa uxari ipia sese uyurawa kuri ae isui kua tiwa Muize nyenga upuderi uyurawa ae. 40 Ape pemaa pesui yawaite upisika penye nyã aintaumbeuwaa kuaita utitikawaita: 41 Pemaa penye, penye pekasuariwaita perikute pesikie pemaa, perikute pekanyemu, nyãse hamunya pepiterupi kua hamunyawaa tiwa kuri peruyari aintaumbeu rame penye arama yawewaa.

42 Asui aintausemu irumu aintaupurandu ainta aintaumbue arama kuri aete yuiri amu sauru rame. 43 Asui aintauyuiri irumu sinaguga sui siya judewita siya yuiri judewita umbuewaita aintausu Paulu Barnabe rakakuera, asui aintaumbue ainta aintauiku arama santa Deus grasa rese.

44 Asui amu sauru rame kuajintu panye kuaita sidadi upewaita aintauyumuatiri aintausendu arama Deus nyenga. 45 Asui kuaita judewita aintaumaa kuaita miraita siyawaita asui aintaumuasi, asui aintaumbeu puxuwera sese kua Paulu umbeuwaa, asui aintaukasuari ae. 46 Asui tiaintautiĩ Paulu Barnabe yuiri aintaumbeu ainta supe:

—Yarikute yayupiru yambeu penye arama kua Deus nyenga maa pemburi pesui ae penyepawate, tipeputari kua mundu tiwa upawa, ape kuiri yasu aintapiri kuaita tiwaita judeu. 47 Nyãse yawe Yaneruixawa umundu yande, umbeu:

—Haxari inde aintaturi arama inde kuaita tiwaita judeu, rerasu arama ainta supe nyã umukaturu aramawaa ainta panye kua mundu upe. 48 Asui suuri kuaita tiwaita judeu aintausendu irumu kua nyenga, asui aintaumbeu purangawaa yaneruixawa nyenga rese, asui aintauruyari panye kuaita urikuwaita kuri mundu nunkawaa upawa. 49 Asui yaneruixawa nyenga usika aintapiri panye aintaretama upe. 50 Asui kuaita judewita aintaumpiaiwa kuaita kunyaita aintaurespetariwaita ukuawawaita Muize nyenga aintayuiri kuaita serakuenawaita tetama upe asui aintauyupiru aintaumuruanyana Paulu Barnabe yuiri, asui aintaumburi ainta aintaretama sui. 51 Maa aintaupiri iwi aintaipi sui aintaruaxara asui aintausu Ikuniu kiti. 52 Asui kuaita uruyariwaita suuri ainta turusu teresemu ainta Espiritu Santu irumu.