Nenoka Saúl michú, riyani michuna waꞌaté, yukuna marí
31
E kaja filistéona iphaño israelítana nakú ipuré Guilboa ejé, nenókakoloje najwaꞌaté penaje. Kajrú nakapichátaka Saúl waꞌatéjena re. Ajopana nakiyana ñaañó reyá Saúl, riyani, kele waꞌaté. 2 Eꞌiyonaja filistéona nakiyana jechoꞌótaño neká. Nephátaka neká ee, nenó Saúl yaní weji keleno: Jonatán, Abinadab, Malquisúa, kele. 3 Kajrú nenókako pajwaꞌatéchaka re ijijila aú. Reꞌiyowá ke ijijila noka Saúl, raú kajrú rijwaꞌatéjena keroꞌokó. Kaja nenó Saúl ijijila aú, eꞌiyonaja kajmuni joꞌó riꞌimaká. 4 E rimá rijwákeꞌewe, rilekare ñaꞌajérijlo:—Peroꞌó pijajálune, pinó nuká raú. Unká nuwátala nenoka nuká, kamuꞌují nalaꞌajika nuká jami.