Kaja piyukeja israelítana kuwáꞌaka juni Jordán paꞌanojo pitá ejomi, Tupana kemari Josuejlo: 2 “Chuwa piꞌiwapá iyamá iphata jiꞌimaji nakojé kele achiñana. Ajopana eꞌiyayá, ajopana eꞌiyayá, ke piꞌiwapájika neká pajluwano ke nanámana eꞌiyayá. 3 Rejomi piwakáraꞌaje najñaꞌaká iyamá iphata jiꞌimaji nakojé kaꞌalá (12) jipa, peꞌiyoyá inaꞌukena chaya puraꞌajeño nujwaꞌaté táraꞌako awaꞌayá. Rejomi napitaje riká pukunaji, chuwajá ikamátajikaro ejé. 6 Iyanimínami, aꞌajná ñoꞌojó chami iꞌimajíkaño, amájika riká wakajé, nemaje kaꞌajná ijló: ‘¿Na penaje chi marí jipa pitaró maare’, ke? 7 Raú imaje najló: ‘Nawakúlaꞌapa kaichama, Tupana purákaꞌalo lanaꞌakéjami iꞌimakare chu aú Tupana meꞌetá juni wajló iꞌimaká, wakuwáꞌakaloje majó pitá penaje. Mékeka riꞌimaká wajló, riwakajé weꞌepéjona penaje marí jipa pitó’ ”, ke Tupana kemaká Josuejlo.