Pou Namona
MATAIO
Ererena Hauna
Puka Aona Irerena ꞌAbina
Pou namona neiana aonai hanona Mataio netibaha, Iesu ehore Tirama ena ꞌabiꞌuai weiana aba ꞌuainai ena maearima Isaraela haukia herekiai ebabaina hauna ebatoha haraina, ꞌabiꞌuai weiana Tirama kehore hau ha keuhuna kemai maearima kebamaurinakia. Pou namona neiana hanona Iuda haukia weiakia baiatakiai Iesu emiaho haukia ꞌeukiai mo ahaꞌi, ia hanopaka maikoina ekia pou namona.
Mataio hanona Iesu neia hanopakai emiaho aonai, herenai taba terama haukia ehina pou harainakia. Ena rama raninai eaomo teahu ꞌarina raninai, ba ꞌariai emikiri mue mai ena maearima ehabonakia ꞌubi eao.
Mataio taba apaꞌuana robaha eahuna hanona Tirama ena obia aiarana, weiana Iesu hanona pouna ehina haraina.
Puka neiana ibaꞌiobi paipana ima aonai, (1) Oeo ahanai bamarere ꞌabikia, weiakia Tirama ena obia aiarana aonai katemiaho haukia ekia hoahoa mai ekia babai (5–7); (2) Iesu iꞌabana haukia aka aeahomakia katebabainakia haukia robakia (10); (3) Tirama ena obia aiarana ꞌabikia ibabataikia (13); (4) Weiakia iꞌabana haukia tohakia timarere haukia ekia hoahoa mai ekia babai aea katehoma (18); mai (5) Taba weiakia hanopaka puanai katerama haukia (24–25).
Puka Paipana Apaꞌuakia
a. Iesu Keriso ena kuputori mai ena rama (1.1–2.23)
b. Ioane baꞌuere robe hauna ena aka (3.1-12)
c. Iesu ena ꞌuere robe mai baihobo (3.13–4.11)
d. Iesu ena aka maearima herekiai Galilea aonai (4.12–18.35)
e. Galilea eaomo Ierusalema (19.1–20.34)
f. Hui orena Ierusalema herenai mai aonai (21.1–27.66)
g. Obiapaka ena mikiri mue mai ena waira tina (28.1-20)