ꞌI ruŋa i te parau nei e haka ꞌite haka ꞌou mai ꞌana a Iovani i tāꞌana vānaŋa haka ꞌite mai ꞌi ruŋa i te ŋā parau raꞌe era ꞌāꞌana (1 Iovani ꞌe 2 Iovani) pē nei ē: e haŋa te taina ꞌi roto i a rāua.

Te parau nei i pāpaꞌi ai ki te kope te ꞌīŋoa ko Kāio. Te meꞌe ōꞌona: hai koa e toꞌo ꞌe e hāpaꞌo era i te nuꞌu kiritiano tuꞌu mai te tētahi kona (5). E haka ꞌite takoꞌa mai ena ꞌi ruŋa nei: te taina era ko Riotefere, he taina ꞌino taꞌe haŋa mo toꞌo ꞌe mo hāpaꞌo i te nuꞌu taina tuꞌu ki tōꞌona hare ꞌe he kope ꞌina he haꞌatiꞌa i te tētahi mo toꞌo i rā ŋā taina ki te rāua hare. ꞌE o ruŋa i te meꞌe nei i kī ai e Iovani: «E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua» (11).