Israel mayinkunapä Mardoqueo allita ruranqan
10
Rey Asuerumi impuestukunata cobratsirqan llapan mandanqan nacionkunacho taqkunata y lamar kuchuncho taqkunatapis. 2 Rey Asuero llapan ruranqankunaqa juk libruchömi qellqaraykan. Tsaynöllami Mardoqueo llapan ruranqankunapis tsay librucho qellqaraykan. Tsay librullachömi qellqaraykan Mediacho y Persiacho mandanqan reykuna rurayanqankunapis.3 Mardoqueutami rey Asuero churarqan llapan mandashiqninkunapitapis mas munayyuq kananpä. Tsaynöpis janankuna shärinqanpitami Mardoqueuta Israel mayinkuna maytsaychöpis respitayaq.