ดอ ตูต โฮม แม โดบ ดา อี อึบ มืง, แตห แม ซาดีก ปี ดี โฮม ปี เบลห อี.

2 เซ แม มึห น็อห ซี โฮม ตาง, แตห แม ยืน.

3 แกวะ แตห แม มึห น็อห ลอพัะ ซี โฮม ปี ดี โฮม อี ซีแงห ปี เบลห อัน, โยว อัน ปีหล็อก ดี แม.

4 แกวะ โบง แตห แม นูน รึร โกบ ซี ครัม แม. แตห แม มึห อางยาน, นับ ดี ยืน ซาดีก โดว บรีม แม.

5 ดอ ซีงยา ยอด แม รึอน แม, อึณ ดี บอ หราย อู เฌณ. อึณ ดี ปี มาลังดา อี มึห เพียง บึณ โฮะ แคง เบลณ.

6 แกวะ โฮม ปี ดัว ดูอี เฆรียะ. แกวะ แตห แม ซี โฮม อี ซีแงห ปี เฮียง ดูอี ฌึร ตี ดี แม.

7 อัน นับ ดี ต็อห, “โฮม ลอย ลอย, โฮม แพ แพ.” อัน ปี บอ แฮะ ต็อห ปาย ตี มืร, แคง น็อห อัน อาว มูห อัน ซี เฮียง.

8 แคะ ปี โฮม แม ตี, แม ดี บอ วี ฮึร เลห. โฆรห ดาคึย, โฆรห งาม แปะ แฮะ กาลาง แม ดอน โมยว แฮะ ดีโลย ดีลาย ปีเยณ.

9 แกวะ กาลาง โฆรห อางยาน ดี ดูอี รึร. โคว, อัน ดี วี ลูกตาย อางยาน แม ตี.

10 แกวะ กาโทะ หล็อก กาอูน กาดาย ปี ซัม อูน อี เฮา, อี แฮะ บรีม แฮะ เหลณ. แกวะ ดึห มาน เฆ โดง นา ฆอน ซีปรัห.

11 โคว, เฌาพรา อี จอย เฆ, อัน มึห ปวน ตาง. อัน ดี บอ โพรม บลาก เฆ.

12 แตห น็อห แม กาดึก กาด็อะ ดี ปี เฮน แม. แตห แม เฮน แคะ ปึอน แม ดี เฮน.

13 อาว ปึอน ตู มาโนว ฆอน. แม ปี บอ ดึห อึณเพียะ ซีเบรียะ อัน มืร, อัน ตู ยัม.

14 แตห แม ดึห อึณเพียะ, ซีเบรียะ อัน. อึณ บอ ปี แม คยอด อัน, แตห อัน ลอด โจห แคง มืง มารานัะ.

15 อึย ฆอน กาโณม โอว, เซ แม มึห อางยาน, น็อห โอว มืร ดี ดาคึย.

16 น็อห โอว ดี บอ โคย ดอ ยึร โอว แม กาลาง โฆรห ซืร โฆรห หมาน.

17 แม แกวะ หลัยะ เฆ อี มึห หมาบ, แตห แม โรวเซ เฌาพรา เซเซ.

18 เซ แม โบง ปาย ตี, นา อาต นี ฮาว, น็อห แม ดี ตาง ดาคึย. อึณ ดี บอ แบน ปี หน็อะ อึณด็อะ แม.

19 อึย ฆอน กาโณม โอว, โทม โฆรห โอว, แตห แม มึห อางยาน. แตห บอ น็อห แม โดบ อางยาน ตี.

20 แม แกวะ แบน ฆึก กาโดบ ดี เฆ อี ยึต ป็อห บอ ดี เฆ อี โฮม ตาง โฮม กืน.

21 โคว, เฆ อี ยึต ป็อห อี โฮม ตาง ตี, เฆ ดี บอ เอต บอ ฆีน. เซ แม ซี อีด, ตู อึง ดี เบระ, แม ดี กาดูห ดี ปลึก ฮึบ อี แฮะ หลูห.

22 แตห แม โทม โฆรห ฆูณ ฆึอด แม. แกวะ ลูกตาย มา แม ปัน แฮะ กัด อัน.

23 บอ อางยาน บอ นา มูห นา หมาน, บอ ปี มาโนว อี แตห อึณ กาหลูห ดี น็อห แบน โมยว แบน โมยว. ฌึร ตี แม โลว จึห, แกวะ แตห แม ย็อง แวน.

24 ฆูณ ฆอน อี มึห น็อห ซืร น็อห หมาน, อัน ดี โคย ดาคึย กาเซา. เซ ฆอน อัน มึห อางยาน, ฆูณ อัน ดี โคย กาเซา.

25 แตห ฆูณ มา แม โคย. แตห มา แม ดาคึย โกบ มึห แม อางยาน.

26 อึย ฆอน กาโณม โอว, แตห น็อห แม โดบ โอว. แตห แม โบง บอ ณึง โดบ ปี ปาย โอว.

27 โคว, ยา มาลัม แฮะ ปี กาเดา อี ลึก กาเซา. บอ อีบึณ อี เฮา, อัน แฮะ ปี กาเดา อึม คึม อี กาเคียะ, อาว ปึอน วี เลห.

28 อีบึณ ฌึร ตี, อัน บอ บัร ดี ยอด แม ปี ดา โฌน. อัน บอ โบง แตห อีมาย กืน ตู โดบ นา หมาน.

29 อาเซ มึห อี หณาบ ดี น็อห? อาเซ แฮะ ฌัม ดูก? อาเซ แฮะ หงูน ตาง? อาเซ แฮะ มึห โดง มายัม? อาเซ แฮะ มึห งาย เรณ ดีเรียง?

30 อึณ บอ มูห เฆ อี กอย แจ ตู กาโทะ แคง บาง ป็อห. อึณ บอ มูห บอ เฆ อี เดียง ป็อห อี แจ ซีนัม.

31 แม ปี บอ แฮะ ยอด แฮะ ยึร อึม ป็อห แฮะ เรณ แคง ซีลัยะ, แม ปี บอ แฮะ นับ, เซ แม เดียง อึณ ซีแงห กาเซา มืร, แม แกวะ แตห ป็อห แป แม.

32 ฮี ฌัม ปา แคหณา ซีณวัห, แม ดี วี มาปราณ บอ หณัม บอ โดว. อึณ ดี ปี มาฮัณ ฮาย แฮะ โฌะ แม.

33 งาย แม มืร, อึณ ดี แปะ. น็อห แม มืร, อึณ ดี กาฟัร กาเฟียน โตต.

34 แม ดี กาเกียง กาเกห, วี ปี ดูอี อี อีด แคง รึร อี กอย แคง อึม นัมมูกซารา. แม ดี บอ ปี ดา อี อีด แดง ร็อง บีก แคง รึร ซังโพว ตาง.

35 แม ดี บอ วี ต็อห, “เฆ แฮะ มัห โอว, โอว ยี ตู ยึร เซา. เฆ แฮะ ดูห โอว, โอว ยี ตู นับ โดว โอว. ดอ วี โหลห โอว ดี โดว โอว, โอว ดี วี เหรต ดี เดียง ป็อห ปอ อึณ ปัว.”