1 เฌาพรา ปี วี จัร อาโมวแซ, 2 แตห อัน วี กาลาง ดี เฆ ดูอี อีซาเรลัะ ต็อห, “โอว มูห อัน เฌา อี มูห เฌาพรา ปี กรึบ เบ. 3 เบ ตู ปึอน โบง โดบ ปี โบง เฆ ดูอี แอฆึบ โดง แปะ แฮะ ดึอม กอย เบ ตึอน. เบ มืร ตู ปึอน โบง โดบ เฆ ดูอี กานัณ อี กอย โดง ดี ฮาว ตึย โอว เบ กอย. 4 แตห เบ โดบ ดารา โอว, โบง โดบ ปี กาลาง โอว. โอว มูห อัน เฌา อี มูห เฌาพรา ปี กรึบ เบ. 5 แตห เบ โดบ ซีคยา ดารา ปี ดัม อูน โอว ดี เบ นี. โคว, อาเซ โดบ ซีคยา, อาซาก อัน ตู ชึม. โอว มูห อัน เฌา.

6 กาแต เบ, แกวะ แตห อึณ มึห อาเซ อี วี ดึห วี ลาย บีนอง วอแว อัน. โอว มูห อัน เฌา.

7 อาว ปึอน โบง แตห ฆูณ แม หมึอม ซาย โกบ วี ดึห วี ลาย แม อีบึณ อัน อี มูห มา แม.

8 อาว ปึอน โบง แตห ฆูณ แม หมึอม ซาย โกบ วี ดึห วี ลาย แม อีบึณ อัน ปอ อู วี.

9 อาว ปึอน วี ดึห วี ลาย อูกัด อูวา แม อี มูห ฆอน อีบึณ. อัน บอ มูห อีกัด ซืบ, วา ซืบ, บอ มูห อัน ฆึอด แคง กาง, บอ มูห อัน ฆึอด อี เตต อี ตัะ, อาว ปึอน วี ดึห วี ลาย.

10 แกวะ วี ดึห วี ลาย ฆอน อีบึณ อี มูห หลาน แม. อึณ ดี แตห แม ซาย อี เฮา.

11 แกวะ วี ดึห วี ลาย อีกัด ซืบ แม, วา ซืบ แม อี มูห อีบึณ. เบ ปี ซัะ ดี รึม มา, เบ ยี ดี รึม ฆูณ. โคว, อัน แฮะ แบน อีกัด อาราง แม, วา อาราง แม.

12 แกวะ วี ดึห วี ลาย ฆึณ แม. อัน มูห วอแว กาเครียะ ฆูณ แม.

13 แกวะ วี ดึห วี ลาย มาแตะ แม บอ มาอาน แม. อัน บอ มูห วอแว กาเครียะ มา แม.

14 แกวะ วี ดึห วี ลาย มาอาน แม เฆ มาเดา แม. อึณ ดี แตห ฆูณ อาน บอ ฆูณ แตะ แม หมึอม ซาย.

15 แกวะ วี ดึห วี ลาย เอา แม. อัน มูห อีบึณ ฆอน อีมาย แม. อาว ปึอน โบง แตห อัน หมึอม ซาย.

16 แกวะ วี ดึห วี ลาย อีบึณ อีกัด แม, อีบึณ วา แม. อึณ ดี แตห อีกัด แม บอ วา แม หมึอม ซาย.

17 เซ แม แฮะ ลาย อีบึณ อู วี, แกวะ วี ดึห วี ลาย บอ ฆอน อีบึณ อัน. บอ หลาน อัน ตี, อาว ปึอน วี ดึห วี ลาย. เฆ มูห หลาน อาราง บอ ฆอน อาราง อีบึณ แม ตี. อาเซ โบง ปาย ตี อัน แฮะ ฮาย แฮะ มืก กาเซา.

18 เซ อีบึณ แม ซี กอย, อาว ปึอน วี ดึห อีกัด อีบึณ แม บอ วา อีบึณ แม, แตห อัน วี แบน อีบึณ เตียะ แม.

19 อาว ปึอน ลาย อีบึณ ดอ ตู ซีงา อัน, ดอ มึห อัน ครึง กาปลูะ.

20 แกวะ วี ดึห วี ลาย อีบึณ อี เฮา, แกวะ โบง แตห โดว แม กาดาต.

21 อาว ปึอน ดึห ฆอน แม คอ อู วี, หลู ดี เฌา มูล็อก. โคว, เซ เบ โบง ปาย ตี อึณ ปี เบ ตู รีมาด แคะ บอด โอว. โอว มูห เฌาพรา.

22 อีมาย นังฆัน อาว ปึอน ลาย ลาย, แตห อึณ ปี เฆ ลาย อีบึณ. เฌาพรา บอ ฌ็อง กาเซา โมยว ตี.

23 อีบึณ อีมาย อาว ต็อห, อาว ปึอน วีน ดี ลาย โดว ซัด. อึณ ตู โดบ ปี กาอาบ โบง อาโมยว ดูอี. อึณ แฮะ หมึอม กาอีห กาเซา.

24 อาว ปึอน โบง แตห โดว บรีม เบ กาดาต โกบ โบง เบ ฌึร ตี. เฆ ดูอี ปี ดี ณอน เตา โอว ดี อาต เบ แคง มืง กานัณ ตึอน, เฆ นับ ดี โบง ฌึร ตี ดอน โมยว, แตห เฆ กาดาต. 25 โกบ โบง เฆ ฌึร ตี, อึณ แตห บอ มืง เฆ กาดาต. โคว, โอว แฮะ ดัม หมาบ ดี เฆ, แตห อึณ ปี มืง อาว ฮู คัม ดูอี ฌึร ตี, แตห อึณ ปี อัน ฮึร แวน เฆ. 26 อี มูห เบ, บอ มูห ดูอี อีซาเรลัะ, บอ มูห ดูอี เฮา อี ตัห กอย กาแต เบ, เบ โลว โบง โดบ ดารา โอว, โดบ บอ โฆรห ปี กาลาง โอว. อาว ปึอน โบง อี หมึอม กาอีห ฌึร ตี คอ อู โมยว. 27 โคว, เฆ ดูอี อี กอย ดี อาต เบ แคง มืง กานัณ ตี, เฆ แฮะ โบง อี หมึอม กาอีห ฌึร ตี ดอน โมยว, แตห บอ มืง เฆ กาดาต.

28 เซ เบ ดี โบง ฌึร ตี ดอน โมยว, บอ เบ ดี แตห มืง ตี วี กาดาต, แตห บอ เบ วี คัม แปะ แฮะ คัม เฆ, แตห อึณ ปี มืง ตี ดี ฮึร แวน บอ เบ.

29 อาเซ โบง อี หมึอม กาอีห ฌึร ตี, เบ โลว เบลห แวน อัน, แกวะ แตห เบ มาด อัน มูห ดูอี อาโมยว เบ. 30 โกบ อึณ ปาย ตี แตห เบ โดบ ดารา แปะ แฮะ ดัว โอว ดี เบ. แกวะ โบง อี หมึอม กาอีห โมยว ปี โบง เฆ ดูอี อี กอย แคง มืง กานัณ ดี อาต เบ. แกวะ โบง โดบ ปี โบง เฆ, แตห โดว เบ กาดาต โดบ ปี ดัม ดารา. โอว มูห อัน เฌา อี มูห เฌาพรา ปี กรึบ เบ.”