4 Huanäi lututa lüteko,

José jume faraónta joapo jomemmak ettejohuak,

huanäi ínel ámeu jiahuak:

«Juka tühuata enchim bíchäpo nee kobalatuko,

enchimmeune ä aahua faraóntahuen nooka íno béchïbo.

5 Íno bétanem junëli áu jiahua:

Jü in átchay nokta nee yechatua ínel jíaka:

“Beje ä bitcha bejane mukiapo aane.

Huanäine jum áma mamäahuäpo Canaán buiära íno béchïbo in buejripo jumüre nee mäanake”.

Nechem licenciata makka in átchay áman in mäanake béchïbo.

Huanäine,

lauti yebijnake».

6 Faraón entok ínel áu jiahuak:

«Ámane huéiye em átchay nokta em yáarita chuppa».

7 José juka ä átchay áman mäak.

Huanäi sïme jume faraónta nésauta jooriame áamak sajjak,

entok jume joapo yoiyöturim,

entok sïme jume egipto buiärapo yöiyoturim.

8 Sïme jume Joséeta joapo joomem entok jume ä abachim,

entok sïme jume ä achay joapo joomem.

Jum Gosém buiärapo éntok jume ili uusim,

entok jume kabaram entok jume ä huakasim áma taahuak.

9 Ket jume carreetam ujyoolim entok jume yorembram kakábäekame,

jume ámak kateme tüisim juebenaakay.

10 Huanäi huasa Adatpo jichupahuaäpo yajaka,

bathue Jordán huaytana taahuay,

jü bem sirokaka buanähui buéresi ayuaakay.

José,

áapo guoy búsan taapo ä luuturiak.

11 Jume cananeom áma joakame,

ikärim bíchaka,

jum Atadta huasapo tüisi buamhuamta jíkkajaka,

ímïrem jiahua:

Jume egipciom tüisim buaana.

Huäri béchïbom ímïrem ä téhuatuak (Ïri jum Jordán huaytana taahuay);

ínëlim ä téhuatuak Abel-mizraim bueïtuk ínëlim jiahuak:

«Ïri jume egipciom tüisi buanäpo».

12 Jume Israelta üusim sïmeta juka ä ahuakäu aú yáuhuak.

13 Jum Canaám buiärau ä nuksajak éntokim jum Macpela kau guojökum ä mäak,

Mamretau jëela täata yeu huë bétana,

juka Abrahamta jinnukäu Efrón hitiitata,

huasapo,

jume nat sau kateme áma émo mäanä béchïbo.

14 Chúkula ä achay mäasuka,

José Egiptou nottek,

bem áamak hueerimmaki entok sïme áamak katemmaki.

16 Huanärim ínel nokta áu bíttuak:

«José,

juka em átchay ketune kee mukey,

ikái ítou aahuak

17 á bétana ínel itom émou jiausauhuek:

“Émoune jiokot jiahua,

juka em ábachim kaa türik émou yáakäu,

entok juka Dios bejrita,

akë am jiookore,

bueïtukim kaa tüisi enchi bitchak”.

Huäri béchïbote itapo,

émou jiokot jiahuak,

juka kaa tü yáarita ímëi em átchay Diosta sauleerom akë am jiookore».

Huanäi am nokaisu,

José buantaytek.

18 Entok két,

jume ä sailahuam áma yájaka tonommea japtekam áu jiokot jiahuay,

ínëlim áu jiahuak:

—Imïrë ítom jípure,

¡émoute sauleerom!

19 Të José ínel am yommiak:

—Katem majhue.

¿Jachune Diosta katekäpo kattek?

20 Emem nee jiokot yaa báareka eiyay,

të Dios sïmeta kuaktiaka ä tü yáuhuak,

ikay ítom bichau yaa báareka,

entok yún yoremem jiápsita makbáareka.

21 Junëlem,

beja kaa majhue.

Ínapone enchim entok enchim üusim jibua miknake.

Huanäi am jiápsi yetchak,

bueïtuk tüisi am nákeka ámeu nookak.

24 José ä sailammeu ínel jiahuak:

«Kaa yún ínou bëye in múknakë béchïbo,

të Dios äbo yepsaka enchim anianake,

entok ímï Egipto buiärapo enchim yeu huerianake jum buiärau Abrahamta,

Isaacta entok Jacobta am mak-rokaka nokta ámemak yetchak».

25 Huanäi José jume Israelta üusim aahuim nokta am yecha sauhuek entok ínel ámeu jíaka:

«Diosta enchimmeu yepsako enchim aniaseka entok enchim yeu hueriako,

emëe jume in otam enchimak hueriunake».

26 José ciento diez huasukteka muukuk,

huanäi jume egipciom akim aceitétam huaijhua at kiimak kaa ä bikana béchïbo,

entok jü kaja áma ä mäabéchïbo jum Egiptopo oorek.