Cautera mǝnia ka Bulǝs nǝ̀ gìlǝì aban ká aban aɓwana-mǝgule tārú mala ikǝlisiya mǝnana à kǝ kpapi a ɓala mala ɓeɓwa mwashat atea ka. Sǝa ma atea ka Filimon nda ɓwa mǝnana ce na a rǝì ka. Filimon ngga mǝkwaɗi na mǝnana à surǝì pepe, sǝ ɗǝm ngga nda mǝtala-ɓala mala ɓe guro mǝnana à tunǝki ama Onisǝmu ka. Onisǝmu ka ɓangŋa nying mǝtala-ɓala male, sǝ lang ngga, à yì je andǝ Bulǝs, mǝnana a baku mǝno ka nda a ndàkurban ngga. Onisǝmu yi pǝlǝ mǝkwaɗi nǝ bu Bulǝs. Cautera mala Bulǝs aban ka aban Filimon ngga zǝmbǝa na aban Filimon ɓǝ̀ eare ɓǝa gilǝki nrea andǝ guro male, mǝnana Bulǝs na arǝ tasǝte ɓǝ̀ nyare abani, sǝ ɗǝm ngga ɓǝ̀ kǝa gingsǝi kǝla guro mǝnana twalǝni wi banì nǝmurǝì ka ɗang, ɓǝ̀ gingsǝi gbal kǝla mǝ'eamrǝarǝu mǝkwaɗi. Sǝm surǝ ya gir nani Onisǝmu pa sǝ Filimon ɓinǝce ka ɗang, sǝa ma Bulǝs ka earǝna nǝ̀ mbweki Filimon gir mǝnana kat gyajam male Onisǝmu kiɗiki wi ka. Kat andǝ amani ama Bulǝs nǝ̀ gandǝ pakturo nǝ rǝcandǝa male kǝla mǝ'mishan nǝ̀ tsǝk Filimon ɓǝ̀ pak gir mǝnana banggi wi ka, pe anggo ɗang. A kun mani ka earce nǝ ɓuaki a rǝì ɓǝ̀ pe aɓa earcearǝu.