Yì cautera ka, kwarkiru na ace Timoti, kǝla muntulo mǝnana ɓimǝturo na sǝ gbasha male na ka. Kwarkiri ace ɓak ɓabumi ɓǝ̀ dum nǝ gandǝrǝu aɓa nutanni, sǝ ɓǝ̀ lidǝmbǝa nǝ turo mana yì Bulǝs pe ace Kǝrǝsti ka. Ɓǝ̀ bwal kanigir mǝ'mǝsǝcau nì mala Cau Amsǝban andǝ Kurcau Mǝ'e, sǝ ɓǝ̀ pak turo male kǝla mǝkanigir andǝ mǝhama, ɓǝ̀ kǝa ɓanggi tanni ko ɓinǝcau nǝban aɓwana ɗang, sǝa ma ɓǝ̀ ɓanggi kanigir nyir. À nunkiri arǝ agir ká-mǝɓane mala masǝlǝata apwari.

Aɓa mǝnia kat ka, à kasǝ ɓalǝ Timoti arǝ do andǝ tǝr pakkiagir mala ɓwa mana gilǝ mǝnia yì cautera ka: paɓamuru male andǝ munyi, andǝ earcearǝu, andǝ gandǝrǝu, andǝ nutanni male aɓa kum patanni.