Cau amsǝban a ne mala
LUKA
Mǝncau
Cau Amsǝban a ne mala Luka ka lǝmndǝi ama Yesu ka nda Mǝ'amsǝban mǝnana à pacau ace aban amǝ Isǝrayila ka, sǝ ɗǝm ngga nda Mǝ'amsǝban mala ɓwapǝndǝa kat. Luka gilǝa ama Yesu ka Bangŋo mala Ɓakuli tunǝi ace mǝnana ɓǝ̀ “yinǝ Cau Amsǝban aban amǝ'tǝ̀r.” Lǝmndǝa mala banɓoarnado ka à sǝni pépè aɓa Luka, nggeamurǝmi ka aɓalǝ akure mǝdǝmbe mǝnana à hamnǝ yiu mala Yesu, sǝ ɗǝm ngga aban ká masǝlǝate, aban mǝnana Yesu nyarni aban o a kuli ka.
Aban na kam ɓari (kure 1–2 andǝ 9–19) mǝnana aɓalǝia ka, gir nakam kpǝm mana she àkǝ̀ ɓa mǝnia yì Cau Amsǝban ngga sǝ à nǝ̀ kumia; amǝno yì agir ka à nda ka nggyal mala amǝturonjar, andǝ yiu mala ayalgir a sǝn Yesu mana à loa ɓǝlle ka, andǝ Yesu aɓa Ndàmǝgule mala Ɓakuli a muntulo, andǝ akanicau mala Ɓwa mǝɓoarne ɓwa Samariya, andǝ mala Muna-ɓwabura mǝnana ɓwàr ka. Aɓalǝ aban aɓa yì Cau Amsǝban ngga, cau cam nǝ rǝcandǝa amur hiwi, andǝ Bangŋo Mǝfele, andǝ banì mala amamǝna aɓa turo mala Yesu, andǝ twalbani mala Ɓakuli ace acauɓikea.
Agir mǝnana a ɓālǝi ka
Mǝncau1:1-4
Ɓǝlban andǝ lo mala Yohana Mǝbatisǝma andǝ mala Yesu1:5–2:52
Turo mala Yohana Mǝbatisǝma mana Ɓakuli tunǝi ace ka3:1-20
Batisǝma andǝ karǝkiban mala Yesu3:21–4:13
Turo mala Yesu mana Ɓakuli tunǝi ace ka aban aɓwana4:14–9:50
Twal a Galili aban ká a Urǝshalima9:51–19:27
Masǝlǝata limo a doɓanza mala Yesu aɓa Urǝshalima andǝ aban mǝnana à kàrǝì ka19:28–23:56
Lo ɓembe mala Mǝtalabangŋo, lǝmndǝrǝu male, andǝ eauwe male aban ká a kuli24:1-53