Sema Pilmiron Solat
JOHN
Sema Maypangkep Niyay A Dibcho
Say engisolat niyay, si John a anak Zebedee a disipolon Jesus. Insolat to jay ired ma ematid Afo Chiyos a iyaygwala-gwalak ired siyodad cha dogad a Asia Minor. Sema karakelan a naengachal na Biblia, nakigwan cha i insolat John iyay nonta emo A.D. 90. Aama wa tan gwara emod Ephesus.
Say kagol na iyansolathan to niyay, gwariy toon naengitoro-toro na afil cha podnon edafod Afo Chiyos. Say naintoro cha, nat iyanbalin si Jesu Cristo na agpayson too. Intoro ra pay i nat Anak konon Afo Chiyos. Et kigwan cha pay i si-kara bengat i gwariy podnon awat cha, tan angken manbeso-besol ira. Isonga, insolat John iyay tep piyan ton sa-dathan ira ma ite-itek a iyaytoro. Kigwan to i si Jesu Cristoy podnon Anak Afo Chiyos a iyanbalin na too. Kigwan to pay i sema naematid Afo Chiyos, mesepol a sesmeken toy echom to tan onoran toy bilin Afo Chiyos.
Sema Iyaysolat
Si Esel a naengi-kan na biyag 1:1-4
Sema silow tan sema enbolinget 1:5—2:29
Sema iren anak Afo Chiyos tan sema iren anak Satanas 3:1-24
Sema podno tan sema nat podno 4:1-6
Sema semek Afo Chiyos cha si-kathayo tan sema seme-semek tayod echom tayo 4:7-21
Sema pamati thayod Jesu Cristo 5:1-5
Sema kaamtaan i si Jesu Cristoy Anak Afo Chiyos 5:6-12
Sema kaonoran a ese-esel John 5:13-21