Imi Pab-Purpa-Nuedbal Judas iti-karta nermas. Imi kwenadgan-tummagan chogmaldo we Judas nanbal Jesús-e-urpa. Tenal Judas iti-kartagin Pab-Jesús-kaka-nuegan chogzhogalin. Tenal iglesiagin neg-akalgunonikidbal Judas igal-pid nermanonijun. Tenal tulemal-iglesiagin-tulemal-oturdananimalad wal-walgwen peyedzhe Pab-Jesús-igal-akalosmal iskuedgin kwenadgan-egwangal. Tenal Judas chogbal tule-Pab-Jesús-igal-akalosmalad keg-chulgu Pab Tummadzhe sapejul oturdalenoniko. Tenal kwenadgan-chunchunnamalad alamakenabmal nuekwa Pab-Jesúsbal naigugal. Pitomalgu.