Judas eledi nioxoa Jesus, codaa nakatotedigi Ǥoniotagodi niɡ̶ijo noɡ̶opitedibigimece ditibigimedi. Judas didikotibige niɡ̶ina Aneotedoɡ̶oji aneniditediogi me nepilidi, codaa me doweditedeloco Jesus. Eo libodigi micota minoa niiɡ̶axinaɡ̶anadi awitakaɡ̶aɡ̶a anodiiɡ̶axinaɡ̶atece ane beyagi. Yalaɡ̶ata micota Aneotedoɡ̶oji me iwi anigotediogi codaa me iloikatidi niɡ̶icoa niiɡ̶axinaɡ̶anadi awitakaɡ̶aɡ̶a. (Awiniteloco 2 Pedro 2.1-17). Niɡ̶idiaaɡ̶idi Judas dipokotiogi me dinoniciwaditibigiwage monibeotibigege Jesus me dopitedijo. Aneotedoɡ̶oji ida loniciwaɡ̶a meote me diɡ̶ica aneyamaɡ̶atice niɡ̶ina anodiotece. Joaniɡ̶idaa leeɡ̶odi Judas me doɡ̶etetalo Aneotedoɡ̶oji.