San Marcos i

Tu̱ꞌun Va̱ꞌa ña̱ ntákani xa̱ꞌá Jesucristo ña̱ tia̱a

San Marcos

Ña̱ xíniñúꞌu kunta̱a̱ ini‑yó xa̱ꞌá tutu yóꞌo

Nu̱ú ko̱mí tutu ña̱ ntákani tu̱ꞌun va̱ꞌa xa̱ꞌá Jesús,

náꞌa̱‑ña̱ ña̱ yóꞌo kúú ña̱ xina ka tia̱a‑na̱.

Kua̱ꞌá ña̱ nta̱túꞌun‑na̱ xa̱ꞌá Jesús tá ya̱chi̱n xíꞌin loꞌo ka ña̱ tia̱a‑na̱ xa̱ꞌá‑Ña̱,

nta̱kiꞌin Marcos ntiꞌi‑ña̱,

ra nta̱tiaa vií‑ra̱‑ña̱ nu̱ú tutu yóꞌo.

Sána̱ꞌa̱ káxin‑ña̱ nu̱ú‑yó yoo kúú Jesús xa̱ꞌá ña̱ káꞌa̱n míí na̱ yuví ña̱ tia̱a Marcos xa̱ꞌá.

Suu sána̱ꞌa̱ va̱ꞌa ka‑ña̱ nu̱ú‑yó tá ntákani‑ña̱ na kúú ña̱ ki̱xa Jesús xíꞌin ña̱ sa̱na̱ꞌa̱‑Ña̱.

Íyo kua̱ꞌá nu̱ú ni̱ka̱ꞌa̱n‑na̱ xíꞌin Jesús tá míí tiémpo saá,

tá ku̱va “Cristo”,

“Se̱ꞌe Ntióxi̱”,

“Ña̱ ntu̱u Se̱ꞌe Na̱ Yuví”,

ra xíꞌin kua̱ꞌá ka nu̱ú ni̱ka̱ꞌa̱n‑na̱ xíꞌin‑Ña̱.

Suu síín síín ku̱nta̱a̱ ini‑na̱ xíꞌin na̱xa ku̱va ni̱ka̱ꞌa̱n‑na̱ xíꞌin‑Ña̱.

Míí tiémpo saá köníkixa Jesús tá kúú ntiꞌi ña̱ ntátu míí na̱ yuví ná kasa‑Ña̱,

chi ña̱ náꞌnu,

ña̱ köntátu‑na̱,

kúú ña̱ ki̱xa‑Ña̱.

Ra ntákoo káxin‑Ña̱ yoo kúú‑Ña̱ xa̱ꞌá ña̱ ki̱xa‑Ña̱,

ra xíꞌin ña̱ sa̱na̱ꞌa̱‑Ña̱,

suu saá tu xíꞌin ña̱ ni̱xi̱ꞌi̱‑Ña̱ ra nta̱tiaku‑Ña̱.

Tá kúú ntiꞌi ña̱ ntákani nu̱ú míí tutu yóꞌo sána̱ꞌa̱‑ña̱ yoo ntixa kúú míí Jesús xíꞌin na chiñu va̱xi‑Ña̱.

Ña̱ ntása síín tutu ña̱ tia̱a Marcos yóꞌo kúú ña̱ üꞌvi̱ kúnta̱a̱ ini‑na̱ xíꞌin ña̱,

chi iin nani ntíkó‑ra̱ ntákani‑ra̱ ña̱ ku̱u.

Ra iinka tuku xiyo,

kua̱ꞌá míí ña̱ va̱xi nu̱ú tutu yóꞌo va̱xi tu ña̱ nu̱ú tutu ña̱ tia̱a Mateo xíꞌin nu̱ú tutu ña̱ tia̱a Lucas,

suu va̱xi kúú va‑ña̱ nu̱ú iin ña̱ ikán.

Vichin kua̱ꞌá‑na̱ káꞌán ña̱ Mateo xíꞌin Lucas,

nu̱ú tutu yóꞌo xi̱ntěꞌé‑na̱ sá tia̱a‑na̱ tutu mií‑na̱.

Xíni̱‑yó ña̱ Marcos kúú ra̱ tia̱a tutu yóꞌo xa̱ꞌá ña̱ tia̱a iinka na̱ xi̱nti̱ku̱n Jesús tá síglo u̱vi̱ (ña̱ xi̱kuu kui̱ya̱ iin siénto,

iin saá nta̱a̱ kui̱ya̱ u̱vi̱ siénto).

Xíꞌin ña̱ tia̱a na̱ ikán,

kúnta̱a̱ ini‑yó ña̱ chí Roma kúú nu̱ú tia̱a‑ra̱ míí tutu yóꞌo tá nti̱ꞌi ni̱xi̱ꞌi̱ Pedro xíꞌin Pablo.

Ra kua̱ꞌá nu̱ú míí tutu yóꞌo (tá ku̱va Mr.

7:3-4; 10:11-12) kúnta̱a̱ ini‑yó ña̱ tia̱a Marcos ña̱ nu̱ú na̱ ntíku̱n Jesús na̱ kökúú judío.

Sana na̱ ñuu Roma kúú míí na̱ tia̱a‑ra̱‑ña̱ nu̱ú.

Ra Marcos yóꞌo kúú tu ra̱ káꞌa̱n tutu yóꞌo xa̱ꞌá:

tutu ña̱ ntákani xa̱ꞌá ña̱ ki̱xa na̱ ta̱xi Jesús chiñu ntaꞌá ná ntakani tu̱ꞌun‑Ña̱ 12:12, 25; 15:37, 39;

tutu ña̱ kua̱ꞌa̱n nu̱ú na̱ Colosenses 4:10;

tutu u̱vi̱ ña̱ kua̱ꞌa̱n nu̱ú Timoteo 4:11;

tutu ña̱ kua̱ꞌa̱n nu̱ú Filemón 24;

tutu nuú ña̱ tia̱a Pedro 5:13.

Yóꞌo va̱xi na̱xa ku̱va kuvi ntata̱ꞌví míí tutu yóꞌo:

Na̱xa kíxáá xa̱ꞌá míí tutu yóꞌo (1:1-15)

Sána̱ꞌa̱ Jesús yoo kúú‑Ña̱ (1:16―8:30)

Sána̱ꞌa̱‑Ña̱ tá ku̱va iin na̱ ntíso chiñu káꞌnu (1:16―3:12)

Sána̱ꞌa̱‑Ña̱ xa̱ꞌá na̱xa ku̱va xáꞌntia Ntióxi̱ chiñu (3:13―6:6a)

“Yóꞌo̱ kúú Cristo,

Ña̱ ta̱chíñu Ntióxi̱ va̱xi sáka̱ku na̱ yuví” (6:6b―8:30)

II.

Sána̱ꞌa̱ Jesús na kúú ña̱ va̱xi‑Ña̱ kasa‑Ña̱,

ra sáxi̱nu‑Ña̱ kíxa‑Ña̱‑ña̱ (8:31―16:20)

Ntátúꞌun Jesús xa̱ꞌá ña̱ kuvi̱‑Ña̱ (8:31―11:11)

Xáa̱ Jesús ñuu Jerusalén (11:12―13:37)

Ntóꞌo ini Jesús,

xíꞌi̱‑Ña̱,

ra ntátiaku‑Ña̱ (14:1―16:20)

Íyo sava versíkulo nu̱ú va̱xi tu̱ꞌun ña̱ ntási sa̱tá xíꞌin ña̱ yóꞌo:

[ ].

Míí tu̱ꞌun ña̱ ntási sa̱tá ikán,

köva̱xi‑ña̱ nu̱ú ntiꞌi ña̱ tia̱a‑na̱ tá ya̱chi̱n,

ña̱ tia̱a‑na̱ tu̱ꞌun griégo.

Marcos,

ra̱ tia̱a míí tutu yóꞌo tá xa̱ꞌá,

sana könítiaa‑ra̱ míí ña̱ ntási sa̱tá yóꞌo,

ra tá nti̱ꞌi,

iinka na̱ yuví va kúú na̱ tia̱a‑ña̱.

Sava míí tu̱ꞌun ña̱ va̱xi nu̱ú tutu yóꞌo va̱xi iin ña̱ káa tá ku̱va káa iin ita loꞌo xi̱tia̱‑ña̱:

Tá va̱xi míí ña̱ yóꞌo xi̱tia̱ iin tu̱ꞌun,

kúni̱ kachi‑ña̱ ña̱ kuvi ntani̱ꞌí‑ún na kúú ña̱ kúni̱ kachi míí tu̱ꞌun ikán nu̱ú Glosário ña̱ va̱xi nu̱ú ntíꞌi míí tutu yóꞌo.