Antsu kajeku chicham pegkerchaujai chicharmaka nu nukap kajenaiti.

2 Shuar pegkeran enentaimnuka chicharkartaksha pegkernak chichauwaiti.

Antsu shuar pegkerchaun enentaimnuka chicharkartaksha pegkerchaunak chichauwaiti.

3 Yuuska shuar tunaun takachu ainan,

tura shuar tunaun takau ainancha ashi iiyawai.

4 Shuar pegkeran chichauka chikichnasha pegker enentaimtiknaiti.

Antsu shuar pegkerchaun chichauka chikichnasha pegkerchaun enentaimtiknaiti.

5 Uchi enentaimkachu apari chicharmasha anturchauwaiti.

Antsu uchi enentaimkauka apari chicharmasha pegkeran unuimauwaiti.

6 Shuar pegkera jeenka

warí nukap arinaiti.

Turasha shuar tunaun takauka

kuitrin nagkamas ajapin asa atsurnaiti.

7 Shuar yacha ainaka ni nekamurin,

chikich shuar ainancha nekamtiknaiti.

Turasha shuar yachachuka ni nekamuri atsau asamtai,

chikich shuar ainancha pegke nekamtikchauwaiti.

8 Yuuska shuar tunaun takau aina,

wina eme anentruinak nita tagkuri ainan maa epeawarti tusagka wakeratsui.

Antsu shuar nina umirin aina seammaurin anturnaiti.

9 Yuuska shuar tunaun takaina nunaka pegke nakitawai.