entsa yantam iruuntsar,

(Sión) Jerusalén enentaimtusar út wemiaji.

2 Nui númi iruunmaunam nuna kanawen

arpa ainaka nenaa wemiaji.

3 Tuma nui matsatrin

suntar aina ina achirmak juramkiarua nu chichartamainak:

“Shir aneasrum kantamatarma,

tura atumi nugke Jerusalénnum pujusa kantamtai aina nu

kanta kantamatarma” tusa waitkarma wearmiaji.

4 Turutmainakaisha,

¡Chikich nugkanam pujusrika

ina apurigka kantamrumaitsuji tu wemiaji!

5 Jerusalénka,

wii amina kajinmatkin inaiyakaigka

uwej untsurua nuka

ishichkisha achika takamainchau jastatui.

6 Wii amini shir enentaimsa pujamua nuna

inaiyakaigka,

wina inairuka mayapkatairuin nujamak amainaiti.

7 Apuru,

Jerusalénkan yumpuararu aina nui

Edonnumia aina chichainak:

“¡Ashi yumpuartarma tusa tiaru aina nu kajinmatkim inaisaipa!

8 Waitat sukartusuitam tumasmek

Yaakat Babiloniaya amesha yumpuam atatme,

nuna tu iiktamainak shir aneasartin ainawai.

9 Amina uchiram ainan achik

yaruakar kayanam ajiarar maawartina nuka shir aneasarti”.