Yuus ashi sukartawai tusa timau
Salomón Jerusalénnum wakattsa wesa kantamamu
127
Yuus tu takas jean jeamkati tusa tachakaigka,shuar jean jeamin ainaka nagkamas waitmain ainawai.
Ina apuri yaaktarin kuitamchakaigka,
yaaktan kuitamin ainasha nagkamas kuitammain ainawai.
2 Arakma yuatjai tusa takak
káshikmas nantaki taká takakua etsan akatmaksha nukap juuk yuatnumat aantar waitawai.
Antsu Yuuska ninu ainanka imanik takachkaisha ni yuatnunka ashi suawai.
3 Yuus, uchi ainanka antrag suramsauwaitji.
4 Tura shuar natsa asag uchin akina nuka
shuar maanitan yacha flecharijai ayamrumauwa numamtuk ainawai.
5 Tuma asamtai shuar uchiri nukap aramu aina nuka
shir aneasartin ainawai.
Tura nita shuari ainajai igkuniaksha wishikiam achartinaiti.
Nina uchiri nukap asar
aparin ayamrukartinaiti.