119
1-96 (-)97 Ame chicham umikta
timauwa nunaka shir senchi aneajai,
imania asan tuke enentaimsan pujajai.
98 Chicham umiktin sukartusuitam nu
tuke winig au asamtai
wina kajertin aina nuna inagkas yachamamtikrawai.
99 Wika nuna aujsan nekau asan
wina jintintrin aina nuna nagkasau enentaimjai.
100 Tura amina chichamrumin
umia asan uun aina amina
chichamrumin etserin aina nuna nagkasau enentaimjai.
101 Wika amina chichamrumin
umiktajai tau asan,
pegkerchau takat aina nunaka inaisamiajai.
102 Ame wina jintintrin asaakmin
aminu chicham umiktina nunaka
inaisashmiajai.
103 Aminu chicham umiktina nunaka
wina mayapkatairua nuisha shir yumin nekapeajai,
tura napa yumiriya nuna nagkasau
shir yumin nekapeajai.
104 Amina chichamrum umiktina nuna unuimaru asan
wait aina nunaka kajerajai.
105 Amina chichamrum umiktina nu
ji ekemakam tsaaptin amajna numamtuk wii
wekamunmasha yaintui.
106 Wii yaunchuk umiktajai tusa tinaitaj nunaka,
nekas amina chichamrum pegkera nunaka metek umiktajai.
107 Apuru, pimpikin wake mesemar pujajai,
tuma asamtai
amina chichamrum umiktina nujai ataksha ichichmamtikrurta.
108 Apuru,
wiki enentaimsan amina ememattatjam nu
amina shir enentaimtikramsati.
Tura amina chichamrum umiktina nu jintintruata.
109 Wika tuke jamainnum pujajai,
turasha ame jintintruamua
nunaka kajinmattsujai.
110 Shuar tunaun takau aina,
iturchatnum apujtuinawai,
turasha amina chichamrum umiktina nunaka kajinmatkinka inaiyatsjai.
111 Amina chichamrum umiktin
wina surusuitan nuka winau ainawai,
nu aina nuka winaka tuke shir aneasa pujutan surawai.
129 ¡Amina chichamrum umiktina nuka shir pegkeraiti!
tuma asamtai wika metek umiajai.
130 Amina chichamrum pachisa
etsermauwa nuka
tsaaptina numamtuk nekamtikartawai.
Tumau asa shuar kakakchauncha shir nekamtikiawai.
131 Chicham umiktina nuna
nekattsan wakerajai,
tumakun iturkanak
shir nekawaj tusan jamain nekapeajai.
132 Wina apuru,
amina anenmau aina
wait anentam turusmek winasha wait anentrurta.
133 Pegkerchauwa nu
nepetkati tusamka inaitusaipa,
amina chichamrum wari tawa turusmek uwekattsata.
134 Shuar tunaun takau aina maawaraig tusam ayamrutkata,
wika amina chichamrumin umiktasan wakerajai.
135 Wii amina inatairmetaj nusha
shir aneasam iirsata,
turakum chichamrum jintintruata.
136 Amina chichamrumin
metek uminachu asamtai
shir senchi útjai.
137 Wina Yuusru, ameka pegkeraitme,
ame waitat sukartam nusha
pegkernum jintinkartawai.
138 Chicham umiktin ame
sukartusuitam nuka waitchauwaiti,
metek uminnaiti.
139 Amina chichamrumin
uminachkai kajeakun
shir senchi waitajai.
140 Amina chichamrumea
nuka shir nekapsamuiti,
tuma asamtai wii amina umirin asan chichamrumnaka wika wakerajai.
141 Wika wishiktaiyaitjai
eme anentsa iishtaiyaitjai,
turasha amina chichamrum
umiktina nunaka kajinmattsujai.
142 Amina takatrum pegkera nuka
tuke imanisag awaiti,
tura amina chichamrum umiktin
aarmauwa nuka nekas
shir pegkeraiti.
143 Waitakun tura wake mesemar pujumiajai,
turasha amina chichamrumea
nu winaka shir enentaimtikrurmiayi.
144 Ame chicham umikuitam
nuka ishichkisha yapajinchauwaiti.