Ashi nugkanmaya shuar ainatirmesha ina apuri kantamruatarma.

2 Ina apuri kantamrakrum,

nina naari pachisrum ememattarma.

Turakrum shuar ainatin Yuus uwemtikramrattsa

wakerutmaji tusarum kashi kashinig etsertarma.

3 Ashi nugkanam Yuusa imantri,

tura ni turamuri aina pachisrum

etsertarma.

4 Chikich shuar yuusrimtai aina

nuna nagkasau Yuuska senchirtin

tura ashammainaiti.

Iman asa niyaiti kantamrumainka.

5 Chikich shuar yuusrimtai

aina nuka aantar ainawai.

Antsu ina Yuusrigka nayaim ainan najankauwaiti.

6 ¡Ni pujamunmagka tsaaptin jas awai!

Ni ememattasa iruuntai jeanmagka

nina senchiri tura nina pegkeri awai.

7 Ashi nugkanmaya shuar ainatiram,

ina apuri,

“ameketme senchimka,

tura ameketme pegkermeka tusarum titarma.

8 Ni ememattasa iruuntai jea aarin,

ni emematku susattsa anentak anajmatamu jukirum itaatarma. Tura ni wakera turusrumek ememattarma”.^*

9 Ina Yuusrigka,

ni ememattasa iruuntai jea nui ememattarma.

Ashi nugkanmaya shuar ainaka

nina ashamainak kurainiarti.

10 Ashi nugkanmaya shuar aina chicharkurum:

Yuusaiti ina apurigka.

Tura nugkancha ni najana asa,

muchitkai tusa kuitameawai.

Tura ashi shuar ainan pegkernum inawai.

11 Nayaimpinmaya aina,

tura nugkanmaya ainasha

shir aneasarti.

Nayantsasha tura nayantsanam iruunainasha

shir anenak tsukatainak uuj jarti.

12 ¡Aja ainasha,

tura aja ainanam irunusha

shir aneasarti!

Númi ainasha

shir anenak pampainiarti.

13 Ina apuri ashi nugkanmaya

shuar ainan inartasa

wina nuna emtin kantamawarti.

Yuuska shuar aina takasmaurin iiras

ni pegkeran takasunka

pujut nagkanchaun susatnaiti.

Antsu pegkerchau takasu ainanka

waittan susatnaiti.