2 Ni pujamunam wayar maaketi, tusa tiarmi.

Ni emematku kantamtai kantamruami.

3 Ina Yuusrigka senchirtinaiti,

nigka ashi chikich yuusrimtai aina nuna

apuriyaiti.

4 Nugka init iruna nusha Yuus ashi emetkam awai,

tura nain tsakaru aina nusha ashi ninuk ainawai.

5 Nayants ainan,

tura nugka ainancha Yuus najankauwaiti.

Turamu asa nu aina nuka ashi ninuk ainawai.

6 Jui taatarma,

Yuus ina najatmawa nu

tikishmatra emematiarmi.

7 Niyaiti ina Yuusrigka,

ika ninu ainaji,

tuma asaakrin shuar ovejan kuitamna numamtuk

incha kuitamramji.

Yuus yamai ina turamaj nu antuktarma.

8 “Nugka Meribá tutainam,

tura aya nugkak Masá tutainmasha

wina chichamrun umikcharu ainawai.

Turasha yamaika tumatsuk

wina chichamur umirtuktarma”.^*

9 Atumin uuntri ajakarua nuka

wainchatai ainan nukap

wii iwainamun wainainayat,

Yuus ijai pujau asampa aitkawa tusa

turutcharu ainawai.

10 Tumaina asarmatai cuarenta uwí

nitan kajerkan pujusuitjai.

Tuma asan nitan pachisan chichakun:

“Ju shuar ainaka wina

chichamrunka pegkesha umirtukcharu ainawai.

11 Tumawaru asarmatai nitan kajerkau asan,

nita pujusa ayamratnun

nugkan anajmatawaitaj nuigka

wayachartin ainawai

tusan tinaitjai”, tusa Yuus tinaiti.^*