tura Yuus ashi nagkakartakua nu

kuitamsam pujauka,

2 Yuusan chicharuk:

“Wii ajamaka ayamrumataimka ametme,

wina senchimtikrinmeka ametme.

Wina Yuusur asaakmin ima aminig

enentaimsan pujajai”, tusa tumainaiti.

3 Ina mantamattsa apujsamu ainanmasha,

tura jata ainanmasha

ima Yuusak yainmamainaitji.

4 Atash uchiri ainan nina nanapejai

nukuk kuitamna numamtuk,

Yuus incha nina wait anegkrattairijai kuitamramji.^*

5 Tuma asamtai

káshisha ashammainnum pujakrisha

tura tsawai wekakrisha

mantuachartimpash

tusarka sapijmamaitsuji.

6 Jata káshi achirak mantuashtimpash

tumachkusha jata tsawai achirak mantuashtimpash

tusarkesha sapijma pujumaitsuji.

7 Ii pujamunam menanmani shuar pujuina

jata achikam mil shuar jinumainaiti,

tura ii pujamunam untsurnumani shuar pujuina

jata achikam diez mil shuar jinumainaiti,

turasha inka tuka nagkatammaitsuji.

8 Shuar tunaun takau ainan

Yuus uruk waittan susatnukit nu isha wainkatnaitji.

9 Yuus ashi nagkakartakua nu

winaka kuitamrawai tusar

nigki enentaimtimi.

10 Nu tumakrinka chikichik pegkerchauksha

waitkarmaschattaji.

Tura jatasha ina jeen pujuinanka achikchatnaiti.

11 Antsu ii tuig wekaitaj

imanaisha Yuus ina kuitamramatnun

nayaimpinmaya shuar ainan akupturmaktinaitji.

12 Turamu asar, kaya aina auna tukumrumakai tusar

igkunmakar achirmak juramkiartinaiti.^*

13 Turutma asamtai,

uun yawa ainasha yuramashtinaitji.

Tura yukartin chikich aina nukesha yuramashtinaitji.

Tura nápi najatam asatmimtaisha jakashtinaitji.^*

14 Yuus chichaak:

“Shuar winauka wina anentui,

tuma asamtai wisha ninka

ayamrukan uwemtikrattajai.

15 Tura yainkata tusa turutkaisha,

yaigtinaitjai.

¡Turan nijai pujutnaitjai!

Turakun waitamunmasha

agkanmamtikatnaitjai.

Nuiyasha eme anentsa iitai amajsatnaitjai.

16 Tura nukap uwí

shir takak pujusti tusan kuitamkatnaitjai.

Nuiyasha pujut nagkanchau

tuke atina nui pujus, shir aneasti tusan jukitnaitjai”, tusa Yuus tinaiti.