ame ememattasa iruuntai jeaka shir pegkeraiti!

2 Wika ame ememattasa iruuntai jeanam wayan pujustasan shir senchi wakerajai.

Tuma asan shir aneakun

ame pujut sukartin asaakmin

aminak enentaimtusan kantamrajme.

3 Yuusru, ashi senchirtina,

wina Yuusru,

pegke suechkisha shurpipjai

ame ememattasa iruuntai jeanam wayawar

pasugmakar uchirmak uchirin tsakatmainawai.

4 Ame ememattasa iruuntai jeanam pujuinaka

shir aneasar pujuinawai.

Tumainak pegkesha inaitsuk emematramainawai.

5 Shuar ame yayámu asar,

ame ememattasa iruuntai jeanam wayawaru

ainaka shir aneasartin ainawai.

6 Nugka paka útmau tutainam

entsa atsamunam wekainaksha

entsa pukuni jinainan wainkartinaiti.

Tura yumi yutukmatai ashi tsapartinaiti.

7 Amina umirtamin ainaka amina senchirmijai,

ame senchimtikmau asar,

nain Sión tutainam Yuusru,

amina waitmakartin ainawai.

8 ¡Apuru, ashi senchirtina,

Jacob ajakua nuna Yuusriya,

wii seamaj nusha anturtukta!

9 Yuusru, ina ayamrumatairiya,

apu atii tusam ame etegkamuram shir anentsam kuitamkata.

10 Amina jeemin wayan

chikichik tsawan pujamua nuka

mil tsawan yaja pujumaina

nuna nagkasau ima pegkeraiti.

Wika shuar pegkerchau aina nujai

iruuntra pujutnaka inaiyakun

ame emematku iruuntai jea waitirin

kuitamin atasan wakerajai.

11 Ni wakeramua nu metek umirmaka,

ina apuriya nuka shir anentramji,

turutma asa nina tsaaptintrijai kuitamramji.

Tura pegker aina nunasha suritramatsji.

12 ¡Apuru, ashi senchirtina,

shuar aminak umirtamin ainaka

shir aneasartin ainawai!