tsawakun káshikmasan shir wakerusan amijai chichajai.

Aya nugkanmag entsa atsamunam pujusar kitamakur entsa eamaina numamtuk eajme.

Yumi yutachkai nugka yumin atsumak umartasa wakerina numamtuk amini pujustasan wakerajai.^*

2 Amina emematramiartasa iruuntai jeanam wayaan,

amina senchirmin,

tura tsaaptintrumnasha wainkattsan wakerajai.

3 Amina anenkrattairmeka pujutan nagkasau shir pegkeraiti,

tuma asamtai amina kantamrakun ememattatjame.

4 Wika iwáku pujaknaka tuke ememattatjame,

tumakun uwejrun takuin, amina aujsattajme.

5 Shuar yutai pegker umikmaun yua

shir aneas pujuwa numamtuk,

wika shir aneasan pujuttajai.

Tura shir aneasan amina kantamrakun ememattatjame.

6 Káshisha kanakun peaknum tepesan,

aminig enentaimsan tepajai.

7 Ametme wina yaintumka,

ame yaintu asaakmin amini weamkan

ame kuitamrusakmin shir enentaimsan pujajai.^*

8 Wika ima aminak umirkattsan wakerajme.

Amina senchirmijai tuke kuitamrame.

9 Turasha wina mantuawartasa wakeruina nuka ijinata.

Turam nugka init yutuam emegkarta.

10 Nitanka maaniamunam kuchiijai maawartinaiti.

Tura nita iyashinka

kuntin yukartin aina yuawartin ainawai.

11 Turasha apuka Yuusain shir aneastinaiti.

Tura shuar amina umirtamkaru ainaka,

nitasha tumasag shir aneasartin ainawai.

Antsu waitrin ainaka waittsartin ainawai.