¡Shuar pegkerchau aina maawarai tusam ayamrutkata!

¡Shuar waitrin aina nuiya agkanmamtikruata!

2 Yuusru ametme wina kuitamrinmeka

¿Urukamtai winasha inaitusumea?

Wina kajertin aina wina pegkerchau amajtukartasa pataturainakaisha

¿urukamtai wake meseknasha wekasatja?

3 Amina pujutairmin nain pegkera nuna nekamtikruatin,

amina tsaaptintrum, tura amina chichamrum nekasa nu akupturkata.

4 Tura nui jean Yuusru, wina shir aneasa pujuta nu surusu asaakmin,

tagku aina maa patasa epetainam jeantan, amina emematkun, arpan awatkun kantamruattajme.

5 ¿Urukamtaig wake mesemrasha enentaimtaja?

Wii wake mesemar enentaimmainka atsawai.

Wika Yuus uwemtikartina nuig enentaimsan pujau asan

ima ninak ememattatjai.