tuke ememattatjai.

2 Wika Yuusain eme anenmamjai,

ememachu ainatirmeka

nu antukrum shir aneastarma.

3 Yuusa naari pachisar,

ashi iruuntrar emematiarmi.

4 Yuus wii aujeam anturtukuiti,

tura ashamkartutsuk pujusti tusa agkanmamtikruawaiti.

Tura inatsamkesha achartin ainawai.

6 Wika imanchauwaitjai,

tumau asan Yuusan aujsamiajai.

Wii takai wina Yuusur anturtukuiti,

tuma wii waitu pujamurun agkanmamtikruawaiti.

aina kuitamui.

8 Yuus pegkerashit tusarum

nekaattsarum wakerakrumka nekapsarum iistarma.

Shuar Yuusan umirainak pujuinaka

shir aneasar pujusartin ainawai.

9 Yuusnau atajai tumamin ainatirmeka,

ni eme anentsarum ememattarma.

Nina umirin ainaka pegkesha atsumainatsui.

10 Wiakach aina nuka wiakchachu jasar

tsukai waitainawai.

Antsu shuar Yuusan umiraina nuka pegke atsumachartin ainawai.

pachisan wii jintiakai anturtuktarma.

12 ¿Nukap uwí pujustasmesha wakeramek?

¿Shir aneasam pujustasmesha wakeramek?

13 Pegkerchauka chichatsuk pujusta,

tura waitrut aina nuka pegkesha chichakaipa.

14 Pegkerchau aina nuka inaisata,

tura pegkera nuke takasta.

Tura agkan pujutnum kakanmamsata.

15 Yuuska nina umirin aina nuna kuitamui,

tura asa nita seamka anturak yainaiti.^*

16 Antsu shuar tunaun takaina nunaka Yuus kajerawai,

nita jina megkainakaigka atakka

Yuuska enentaimtam achartin ainawai tusa tawai.

17 Yuuska pegker enentaimin aina aujmaka anturui.

Tura wake mesemar pujuinakaisha, ashamtsuk pujusarti tusa agkanmamtikui.

18 Ina Yuusrigka tiijuch pujurtamu asa,

shuar wika megkaakatnapitja tusa enentaimuk, wake mesemar pujuinanka uwemtikratnaiti.

turasha ninka Yuus agkanmamtikui.

20 Tura nina ukunchi ainancha

Yuus kuitamrawai.

Tuma asamtai chikichik ukunchinkisha kupirkachartinaiti.^*

21 Shuar pegkerchaun takau aina nuka,

nita pegkerchau takasmaurinig waitat suam artinaiti.

Tura shuar Yuusan umirin ainan kajeraina nusha waitat suam artinaiti.

22 Antsu ina Yuusri nina umirin ainan uwemtikui.

Tura asa ninu ainanka waittanka susashtinaiti.