Etíopenmaya nuwan nuatkau asamtai, María Aarónjai Moisésan kajeraina. 2 Tumaina asar, amijaigkik Yuus chichaa ijaisha chichauwayi, tusar Moisésan tiaruiti. Tusar tuinamun Yuus antukuiti. 3 Tusa tuinamun antuksha Moiséska shuar ashi nugkanam pujujakarua nuiya ni ima kakakchau ajaku asa, kajeaksha pachikchauwaiti. 4 Turasha Yuus nuna nekau asa Moisésan chicharuk: “Ame, Aarón, tura Maríajaimak, wina emematrittsa iruuntai aaknum wetaarma”, tusa tinaiti. Tusa takai Yuus ememattasa iruuntai akan waitirin wearuiti. 5 Tumawarmatai nui Aarónkan, tura Maríajai untsuk 6 Yuus chicharuk: “¿Wina chichamrun umincha urukamtai pegkerchausha chicharearme? Wina chichamrun shuar ainan ujaktasan wakeraknaka wina chichamrun etsernun karanam ujauwaitjai, turam ni nuna juki shuar ainan ujauwaiti. 7 Turasha wina inatair Moisésnaka tuka chichachuitjai. Nigka wina inatair chikich aina nuna nagkasau wina chichamrunka metek umirtinaiti.