2 SAMUE
Resumen: Ã yoa pʉhtoro Saulo cjiro to yariari baharo, Davi sehe israe masa Judá cjiro ya curua macaina pʉhtoro sãa tiha. Tó panopʉ Cohamacʉ sehe “Israe masa pʉhtoro cjihto sãaihca mʉhʉ” ni cũyu tuhsʉa tiha tirore. Ã jiro to ã ni cũyuriro cjiro seheta pʉhtoro sãano nia tiha Davi. Ã jiro Judá curua macainare noano sʉho ji mʉhtaa tiha Davi, Cohamacʉ to yoadohoro mehne. To ã yoadohoro mehne Judá curua sehe noano tuari curua bʉcʉa mʉjaa tiha.
Wiho mejeta paina to coyea once curuari macaina sehe ne tirore ti pʉhtoro to jichʉ cahmaera tiha. Ã jia tina cʉ̃hʉ ti mʉ sʉro Saulo cjiro macʉno Isbosete wama tirirore bese, ti pʉhtoro cjihto sõa timaha tina cʉ̃hʉ. Tuhsʉ, Judá curua macainare wiho warota cʉ̃ bʉhʉsehe ñʉ tuhtia tiha. Ã jia cãa tahari Judá curua macaina mehne cahma wajã mʉjaa tiha tina, siete cʉhmari waharo puro. Wiho mejeta Judá curua macainare cahma wajãa bihoera tiha.
à yoa tó seheta ñano jia tia, pome yʉhdʉa wahaa tiha tina. à jia cʉ̃ nʉmʉ pʉaro ti coyea sehe ti pʉhtoro Isbosetere wajãnocaa tiha. Ti ã wajãri baharo, tinare ji mʉhtariro maeraina tjuaa tiha tina. à jia Davi mehne sehe majarerʉca, tiro sehere ti pʉhtoro to jichʉ cahma dʉcaha tina cʉ̃hʉ, “Ahriro mari cʉ̃hʉre noano sʉho wajarohca” nia.