Ẹkwo
IWHE, E MERU L'OGE NDU EZE
nke mbụ
Ndu a nwụru watalẹwho l'ọgbo Ádamu jeye l'ọgbo Ébirihamu
1
Ádamu bụ nna Seti, Seti bụru nna Ẹ́noshi, 2 Ẹ́noshi bụru nna Kenanu, Kenanu bụru nna Mahalalẹlu, Mahalalẹlu bụru nna Járẹdu, 3 Járẹdu bụru nna Ínọku, Ínọku bụru nna Metusela, Metusela bụru nna Lamẹku, 4 Lamẹku bụru nna Nowa. Ụnwu Nowa bụ Shemu, mẹe Hamu, mẹe Jafẹti.5 Ụnwu Jafẹti bụ Goma, Mégọgu, Madayi, Jávanu, Tubalu, Mẹsheku mẹe Tirasu. 6 Ụnwu Goma bụ Áshukenazu, Difatu mẹe Togarama. 7 Ụnwu Jávanu bụ Elisha, Tashishi, Kítu mẹe Rodaminu.
8 Ụnwu Hamu bụ Kushi, Íjiputu, Putu mẹe Kenanu. 9 Ụnwu Kushi bụ Seba, Havila, Sabuta, Raama mẹe Sabuteka. Ụnwu Rama bụru Sheba yẹle Dedanu. 10 Kushi bụ nna Nimurọdu. Nimurọdu bẹ bụ onye ojọgu ivurụzo, ọkpehu kakọta l'eliwhe. 11 Íjiputu bụ nna ndu Ludu, mẹe ndu Anamu, mẹe ndu Lehabu, mẹe ndu Nafutuhu, 12 mẹe ndu Paturọsu, mẹe ndu Kasuluhu, bụ ẹka ndu Fílistiya shi futa, mẹe ndu Kafụto. 13 Kenanu bụ nna Sáyịdonu. Ọo Sáyịdonu bụ ọkpara iya. Kenanu bụkwaruwho nna ndu Hetu, 14 mẹe ndu Jebusu, mẹe ndu Amọru, mẹe ndu Girigashu, 15 mẹe ndu Hevu, mẹe ndu Arụka, mẹe ndu Sinu, 16 mẹe ndu Aruvadu, mẹe ndu Zémaru, mẹe ndu Hámatu.
17 Ụnwu Shemu bụ Ílamu, Ashuru, Árufakusadu, Ludu, Arámu, Uzu, Hulu, Geta ọwaa Mẹsheku. 18 Árufakusadu bụ nna Shela, Shela bụru nna Iba. 19 Iba nwụtaru unwoke labọ. Ẹwha onye lanụ bụ Pelẹgu. O noo nkele a nwụru iya nteke mgboko kekashiru ekekashi. Ẹwha nwune iya nwoke bụru Jọkutanu. 20 Jọkutanu bụ nna Alumodadu, Shẹlefu, Hazamavetu, Jera, 21 Hadoramu, Uzalu, Dikila, 22 Ebalu, Abyimẹlu, Sheba, 23 Ofi, Havila ọwaa Jobabu. Whẹ bụkota ụnwu Jọkutanu gẹ whẹ ha.
24 Shemu bụ nna Árufakusadu, Árufakusadu bụru nna Shela, 25 Shela bụru nna Iba, Iba bụru nna Pelẹgu, Pelẹgu bụru nna Rewu. 26 Rewu bụru nna Sérugu, Sérugu bụru nna Nahọ, Nahọ bụru nna Tẹra. 27 Tẹra bụru nna Ébiramu bụ iya bụ Ébirihamu.
Ẹpa Ishimẹlu
28 Ụnwu Ébirihamu bụ Áyiziku ọwaa Ishimẹlu. 29 Ọ waa ẹpa whẹ ndọwa: Nebayotu bụ ọkpara Ishimẹlu. Ndu ọdo bụ Keda, Adụbelu, Mibusamu, 30 Mishuma, Duma, Masa, Hedadu, Tema, 31 Jeturu, Nafishi, Kidema. Whẹ bụkota ụnwu Ishimẹlu gẹ whẹ ha.
32 Nwanyị, Ébirihamu l'ẹte alụa l'ọkpoku nwanyị, bụ Ketura bẹ nwụtaru iya Zimuranu, Jọkushanu, Medanu, Midiyanu, Ishibaku ọwaa Shuwa. Ụnwu Jọkushanu bụ Sheba yẹle Dedanu. 33 Ụnwu Midiyanu bụ Ifa, Ifaru, Hanọku, Abyida ọwaa Éludaa. Ndu ono gẹ whẹ ha bụkota ẹpa Ketura.
Ẹpa Ịso
34 Ébirihamu bụ nna Áyiziku. Ụnwu Áyiziku bụ Ịso ọwaa Ízurẹlu. 35 Ụnwu Ịso bụ Elifazu, Ruwẹlu, Jewushi, Jalamu ọwaa Kora. 36 Ụnwu Elifazu bụ Temanu, Omarụ, Zefo, Gatamu, Kenazu, Timuna ọwaa Amalẹ́ku. 37 Ụnwu Ruwẹlu bụ Nahatu, Zera, Shama mẹe Miza.
Ndu ivurụzo, buru l'alị Edọmu
38 Ụnwu Siye bụ Lotanu, Shobalu, Zibyiyọnu, Ana, Dishọnu, Ẹ́za mẹe Dishanu.
39 Ụnwu Lotanu bụ Hori yẹle Homamu. Timuna bụ nwune Lotanu nke nwanyị.
40 Ụnwu Shobalu bụ Aliyanu, Manahatu, Ebalu, Shefi mẹe Onamu.
Ụnwu nke Dishọnu bụ Hamuranu, Eshubanu, Ituranu mẹe Keranu.
42 Ụnwu Ẹ́za bụ Byilihanu, Zavanu ọwaa Jáakanu.
Ụnwu Dishanu bụ Uzu ọwaa Aránu.
Ndu eze ndu Edọmu
43 Ọ waa bụ ndu eze chịadaru ndu Edọmu tẹmenu o nwederu eze, chịru ndu Ízurẹlu:
Onye mbụ bụ Bela nwa Beyo. Ẹwha mkpụkpu iya bụ Dinuhaba.
44 Nteke Bela nwụhuru, Jobabu nwa Zera nke mkpụkpu Bozura bụru eze l'ọzori iya.
45 Nteke Jobabu nwụhuru, Hushamu nke alị ndu Temanu bụru eze l'ọzori iya.
46 Nteke Hushamu nwụhuru, Hedadu nwa Bedadu bụru eze l'ọzori iya. Ọo ya bẹ lwugburu ndu Midiyanu l'alị ndu Moabu. Ẹwha mkpụkpu iya bụ Avitu.
47 Nteke Hedadu nwụhuru, Samula nke mkpụkpu Masurẹka bụru eze l'ọzori iya.
48 Nteke Samula nwụhuru, Shawulu nke mkpụkpu Rehobotu, dụ lẹ mgboro ẹnyimu Yufurétisu bụru eze l'ọzori iya.
49 Nteke Shawulu nwụhuru, Bálu-hananu nwa Akụbo bụru eze l'ọzori iya.
50 Nteke Bálu-hananu nwụhuru, Hedadu bụru eze l'ọzori iya. Ẹwha mkpụkpu iya bụ Payi. Nyee ya l'aza Mehetabẹlu, nwada Maturedi. Maturedi bụ nwada Mezahabu.
51 Hedadu bya anwụhu.