Kpegangga bageu
Yegecgareng yearu. Gitakurere nga noc kpema yegec yomoc heibesonga. Dawidngo mitiyegec yofi heiec.
61
O Anutu, ge kpakpacna negemma nunumunaac kedzac kpema negenna. 2 Ni bangectoa bangec tegiau namba woubocna kucmama anu kpacguduae. Ge hesicnuna hoc peperandzi herea mong feracnude, imohai kemma nambisira.a 3 Ge neac sufu sufuama. Ngabafocna yeneng nubeso anggec geng amana herea nga seria annec.b4 Ge kporucamagau fainuna ni nasoya nasoya ihai kecbade nga kecbesandua. Ni geac kpegangga bageu sufuma kecbadeac anende. Selacc
5 O Anutu, ni yoac deserima deai, imohai ge imoc negemma ngicngac eweheiheigoc hoangguandae, ge bangec desiyemmenec, imoc ni ifingoc desinennec. 6 Ge ngictauac kekeha mehereena kifa homac kecbeso amma apangabofora yenembeso. 7 Anutu, ye geac kicfu nasoya nasoya ngictau tatahau takecbeso. Ge yoac modac modac Kebu amma yoac dedzege amma yoacga imoc modackecnecac amma fakaga imocngo ge negemmana ngictau henggareng ammibeso.
8 Geng ifi anna ni dedeserina imoc wenacsoc modackecma geac kpac kuneng wenaha wenaha heiwayong memibade.d