Memeficac nunumu
Yegecgareng yearu. Gitakurere kpema heibesonga. Sifingic yeneng Sauroaru kemma yofi edegec, “Dawid ye nenanggoc sufuma kecde.” Ifi anggec Dawidngo masikiyegec yofi heiec.a
54
O Anutu, ge kpac kunenggaac amma ebicfunac mesinuma kucgango onggonnuna ngic yeneac yoacfu firang ambesare. 2 O Anutu, ge nunumuna negemma yoacnaac kedzac kpena.3 Kuricngic yeni yacma nubeso andae nga ubakpekpe ngicngo Anutuac negenggec engena mi angkecde, yeneng ngaba anemma kpebucnubeso andae. Selac
4 Foracngoc, Anutu ye memeficngicna. Kebungo kekecna garenggekecdae, yenigoc kecma nanggeyunuu seria nanggecde. 5 Ngic neac ngabayoac degec yeng ngadeyoacngina merenu yeni imocac ebic meficgegecde. Kebu, ge yoac modac modac Anutu, imocac memanganeyununa kpac ambisia.