Yeni negen negengngina kpac
Yegecgareng yearu. Yegec yomoc maharatac sing masiki uba modacma heibesonga. Dawidngo yegec yofi heiec.
53
Ngicngac negen ngentegecngina kpac, yeni herenginau yofi negemma deandae, “Anutu mong mi kecde, kpac yombong.” Yeni fakangina manganeu faka mangana yombong hania hania angkecma yenearunac mongngo faka gombunga mi anude.a b2 Anutungo kurumennunac kic fiu mau ngicngac yenengkecde. Ye ngicngac negen negentegecgoc kecma Anutu hofocandae, ngic ifia hofocyunuma kecde.c 3 Yeni sasawango ine faka gombunga ngadehedacma fakangina manganedaru yenearunac mongngo mong faka gombunga mi angande, mocdong kpac.
4 Ngicngo yaka dzegoc neandae, yarengic yeni ifi isoc ngicngacfocna neyunuandae, yeni memeficac Anutu mi kpacgecde. Yeni negen negengtegecngina kpac. 5 Ngic ge gugecdeac kpedzucnegec yeni Anutungo sicngina kpedzameude. Wiac mong kengehagoc mi fingeru yeni ine kengectoa amma kpidohogecde. Anutungo wayunuecac gameyunuu nanggecde.
6 O, ebicfunac mesi mesi imocngo Tsion, imohacnac habeso, imocac yombong anemmede. Anutungo ngicngacfora mengereyunuu kekecngina ngereeude, imohai Yacakowac areng yeni sogaigecde nga Isracelac areng yeni ubangerec negenggecde.