<<    <     Mitiyegec     24     >    >> 
Kuc nga kibikperagiaac ngictau
Dawidngo mitiyegec yofi heiec.
24
aBangeha bangeha nga wiac sasawa bangecfu fede, imoc Kebuac. Bangectoa bangec nga ngiha ngiha imocac witiau kecdae, yeni sasawa yeac. 2 Yennoc bangec meficgema imoc kondungdoku nga dokutoa witinginau faiu seria fede.b
3 Ngic merang Kebuac tikiu naric enude nga merang yeac ama kpetiacfu naric nanude?c 4 dMong ye maria nga herea kongaha kecande nga nemuonga mi afeheude amma ikoc mi amma yoac mong mi deserima deude, 5 ye ifi kecmanu Kebungo ye keneheu Anutu ebicfunac mesimesi minginango ye ngic dindingac demiude. 6 Ngicareng Anutu hofocandae, yeni siricngina ifi. Yeni Yacakowac Anutu, yeac kicfu nambeso ayemmede. Selace
7 Nagutoa ngeni hereema witigec. Nagu feengkecdae, ngeni kuc nga kibikperagiaac ngictaungo ereudeac hereema kunengngoc witigec.f 8 Nga kuc nga kibikperagiaac ngictau imoc merac? Ye Kebu kuctoa mingina amma Kebu yennoc dzikacfu firang angkecde.
9 Nagutoa ngeni hereema witigec. Nagu feengkecdae, ngeni kuc nga kibikperagiaac ngictaungo ereudeac hereema kunengngoc witigec. 10 Nga kuc nga kibikperagiaac ngictau imoc merac? Ye Kebu wasai habuya habuya yeneac kunengngina, yennoc kuc nga kibikperagiaac ngictau. Selac
© 2019, Wycliffe Bible Translators, Inc., Orlando, FL 35862-8200 USA (www.Wycliffe.org); Audio: ℗ 2012, Wycliffe Bible Translators, Inc. — Visit www.ScriptureEarth.org/ded for more Scripture resources in Dedua.