Ramagareng gombunga
Dawidngo mitiyegec yofi heiec.
23
Kebu ye neac gareng.
Ramagarengngo ramafora garengyunuande,
ye ifi isoc nenggareng anenu wiac monggac naric mi obohobade.a
2 bYe maneng kpindzing sabayagoc fede,
ihai fainuu febade nga doku tegiau hesicnuu kemma ruaegoc kecnegeng ambade.
3 Ye ubaongana mengerema kuc gboria monggoc nenude.
Amma ye yengena kparaac amma sing dindingacfu hesicnuu imohai kengkecbade.c
4 Nga ni homecac kperemennu kemema kundung kundunnu kembadeu wiac mangana fingeru imocngo kengec naric mi meficgenenude,
nocac Kebu gennoc nigoc kecnec.
Geac dzikac nga yasungo meserinuecde.d
5 Ge ngabafocna kicnginau yombong yakana mengerena neba kerecdokungo orucnau nadzicnenna sebinango ireckeude.
Ge neac kpakenec mewakeyombonggena tosea ngadeau maude.e
6 Ge faka gombunga anennade.
Foracngoc,
geng yoac dedzege amma imoc modackecnec nga fakaga imocngo hesicnuma kekecnaac uameme sasawau hesicnunadengoc.
Nga ni Kebuac amau erema ihai nasoya nasoya kecengkecbesandua.f