ᑆᓪ ᑳ ᒪᓯᓇᐦᐊᒧᐙᑦ ᑳ ᑖᐺᐦᑕᒦᑣᐤᐦ ᕕᓕᐹᐃᐦᒡ ᑳ ᐃᐦᑖᔨᑣᐤᐦ᙮ ᒣᒀᒡ ᒋᐸᐦᐅᑑᑲᒥᑯᐦᒡ ᒌ ᐃᐦᑖᐤ ᑆᓪ ᐅᔫ ᑳ ᐃᑕᓯᓇᐦᐄᒉᑦ, ᐊᓂᑌ ᕎᒥᐦᒡ ᐁᑯᑌ ᑳ ᐃᐦᑖᑦ᙮ ᐊᓂᒌ ᐄᓅᒡ ᐊᓂᑌ ᕕᓕᐹᐃᐦᒡ ᑳ ᐃᐦᑖᑣᐤ ᒌ ᐃᑎᔕᐦᐌᐙᑯᐸᓀᓂᒡ ᐊᓂᔫ ᓈᐯᐤ ᐁᐸᕝᕎᑕᐃᑕᔅ ᑳ ᐃᔑᓂᐦᑳᓱᔨᒡ ᐊᓂᑌ ᑆᓪ ᐁ ᐃᐦᑖᔨᒡ ᒉᒌ ᐃᑐᐦᑕᑕᐙᔨᒡ ᒦᐌᐎᓂᔫ᙮ ᒣᒀᒡ ᒫᒃ ᐊᓂᑌ ᕎᒥᐦᒡ ᑳ ᐃᐦᑖᑦ ᐁᐸᕝᕎᑕᐃᑕᔅ ᒌ ᐋᐦᑯᓲ, ᐁᒄ ᓈᔥᒡ ᑳ ᐋᔨᒣᔨᐦᑕᒥᐦᐄᑯᑣᐤ ᐊᓂᒌ ᑳ ᑖᐺᐦᑕᐦᒀᐤ ᐊᓂᑌ ᕕᓕᐹᐃᐦᒡ ᑳ ᐃᐦᑖᑣᐤ᙮ ᐃᔅᑯᑕᒃ ᒫᒃ ᑳ ᒦᓄᐙᔅᐱᓀᔨᒡ, ᑆᓪ ᒦᓐ ᑳᐤ ᒌ ᒌᐌᑎᔕᐦᐅᐌᐤ ᐊᓂᑌ ᕕᓕᐹᐃᐦᒡ ᒉᒌ ᐃᑐᐦᑕᑕᐙᔨᒡ ᐅᒪᓯᓇᐦᐊᒫᒉᐎᓐ ᐊᓂᔫ ᐄᓅᐦ᙮ ᐋᑦ ᒫᒃ ᒋᐸᐦᐅᑑᑲᒥᑯᐦᒡ ᐁ ᒌ ᐃᐦᑖᑦ ᑆᓪ ᒣᒀᒡ ᑳ ᒪᓯᓇᐦᐊᒧᐙᑦ ᐅᔫᐦ ᐄᓅᐦ, ᔮᐸᒡ ᒌ ᓂᓯᑐᐦᑖᑯᓂᔫ ᒨᒋᒉᔨᐦᑕᒧᐎᓂᔫ ᐁ ᐊᔮᑦ᙮ ᑲᔦ ᒫᒃ ᒌ ᓇᓈᔅᑯᒣᐤ ᑆᓪ ᐅᔫᐦ ᐄᓅᐦ ᐁ ᓵᒋᐦᐄᑯᑦ ᑲᔦ ᒥᓯᐌ ᑖᓐ ᑳ ᐃᔑ ᐐᒋᐦᐄᑯᑦ᙮