ᐸᔅᒡ ᐊᓂᒌ ᒀᕆᓐᑦ ᑳ ᐃᐦᑖᑣᐤ ᐅᒫᒨᐊᔨᒥᐦᐋᐅᒡ ᒌ ᒋᔓᐙᓲᒡ ᐃᔅᑯᑕᒃ ᒣᔅᑲᐦᒀᐤ ᑲᔦ ᐁ ᐊᔨᒥᐦᑖᑣᐤ ᐊᓂᔫ ᓃᔥᑕᒻ ᑳ ᒪᓯᓇᐦᐊᒫᑯᑣᐤ ᑆᓪ᙮ ᒥᒄ ᒫᒃ ᐁᑎᑑ ᒌ ᒥᐦᒉᑑᒡ ᐊᓂᒌ ᐁ ᒌ ᒋᔅᒉᔨᐦᑕᐦᒀᐤ ᐁᑳ ᐁ ᒥᔻᔨᒡ ᑖᓐ ᐁ ᐃᐦᑎᑣᐤ᙮ ᐁᒄ ᑳ ᐃᑎᔕᐦᐙᑣᐤ ᐊᐌᔫ ᑆᓪ ᐁ ᐃᐦᑖᔨᒡ ᒉᒌ ᓂᑑ ᐐᐦᑕᒧᐙᔨᒡ ᐋᐦᒌᐤᐦ ᒉ ᐃᐦᑎᑣᐤ ᐁᒄ᙮ ᐊᓂᑦ ᐁ ᐅᐦᒋ ᒋᐦᒋᐸᔨᐦᒡ ᐆ ᒪᓯᓇᐦᐊᒫᒉᐎᓐ ᐋᔨᒨᑕᒻ ᑆᓪ ᑖᓐ ᑳ ᐃᔥᐱᔥ ᒥᔦᔨᐦᑕᐦᒃ ᑲᔦ ᐁ ᒌ ᓇᓈᔅᑯᒧᑦ ᑳ ᐯᐦᑕᐦᒃ ᐁ ᐃᔥᐱᔥ ᒥᐦᒌᐌᔨᐦᑕᒥᔨᒡ ᐊᓂᔫ ᒀᕆᓐᑦ ᑳ ᐃᑎᔅᑳᓀᓯᔨᒡ ᑳ ᑴᔅᑳᑎᓯᔨᒡ ᑖᓂᔫ ᑳ ᐃᑖᑎᓯᔨᒡ ᑲᔦ ᒫᒃ ᐁ ᑯᒋᐦᑖᔨᒡ ᐁᒄ ᒉᒌ ᐃᔑ ᐱᒫᑎᓯᔨᒡ ᑖᓐ ᑳ ᐃᔑ ᓂᑐᐌᔨᒥᑯᔨᒡ ᒋᔐᒪᓂᑑ ᒉᒌ ᐃᔑ ᐱᒫᑎᓯᔨᒡ᙮ ᐁᒄ ᐊᓂᑌ ᐁ ᐊᑎ ᒌᔑᐸᔨᐦᒡ ᐆ ᒪᓯᓇᐦᐄᑲᓐ ᐁᑯᑦ ᑆᓪ ᓀᔥᑴᐅᔑᐦᐋᑦ ᐊᓂᔫ ᐊᐌᔫ ᑳ ᐐ ᒋᔓᐙᓯᔨᒡ ᑲᔦ ᓂᑕᒧᒄ ᑳ ᐃᑖᒋᒥᑯᑦ᙮