ᐃᔅᑯᑕᒃ ᑳ ᒌᔑᐦᑖᑦ ᐊᓂᔫ ᓂᔥᑣᐤ ᐁ ᒌ ᒋᔅᑐᐦᑌᑦ ᑆᓪ ᒥᔻᒋᒧᐎᓂᔫ ᐁ ᐸᐹᒧᐦᑕᑖᑦ ᐁᑯᑦ ᒫᔅᑰᒡ ᑳ ᒪᓯᓇᐦᐊᐦᒃ ᐅᔫ᙮ ᐊᓂᔫᐦ ᒫᒃ ᕎᒻ ᑳ ᐃᑎᔅᑳᓀᓯᔨᒡ ᑳ ᑖᐺᐦᑕᒥᔨᒡ ᒥᔻᒋᒧᐎᓂᔫ ᐁᐅᑯᓐᐦ ᐊᓂᔫ ᑳ ᒪᓯᓇᐦᐊᒧᐙᑦ᙮ ᑳᐤ ᐊᓂᑌ ᒉᕉᓴᓚᒥᐦᒡ ᒌ ᐃᑐᐦᑌᐤ᙮ ᐁᒄ ᑳ ᐃᑌᔨᐦᑕᐦᒃ ᒦᓐ ᒉᒌ ᐃᑐᐦᑌᑦ ᕎᒥᐦᒡ᙮ ᒉᒃ ᐊᓂᔫ ᐊᔅᒌᔫ ᔅᐯᐃᓐ ᑳ ᐃᔑᓂᐦᑳᑌᔨᒡ ᐁᑯᑌ ᑳ ᐐ ᐃᑐᐦᑌᑦ᙮ ᒥᔅᑕᐦᐄ ᐃᐦᑕᑯᓐ ᑯᐃᔅᑯᑖᑎᓰᐎᓐ ᐁ ᐋᔨᒨᑌᒡ ᐅᑕᐦ ᐆ ᒪᓯᓇᐦᐄᑲᓐ ᓀᐤ ᒉᒀᔫᐦ ᒋᐦᒋᐌ ᒌ ᐋᔨᒨᐦᐄᑰ ᑆᓪ᙮ 1) ᓇᒧᐃ ᒥᑐᓐ ᐃᐦᑖᐤ ᐊᐌᓐ ᐁ ᑯᐃᔅᑯᑖᑎᓰᑦ᙮ ᓇᒧᐃ ᐙᐙᒡ ᐯᔭᒄ ᐊᐌᓐ᙮ 2) ᒌᓴᔅ ᙭ ᐁᐅᒄ ᑌᑲᔥ ᐁ ᑯᐃᔅᑯᑖᑎᓰᑦ᙮ 3) ᒌᔅᐱᓐ ᑖᐺᔨᒪᐦᑴ ᒌᓴᔅ ᒥᑐᓐ ᒋᑲ ᐐᐦᑯᒋᐦᐄᑰᓈᓅ ᑖᓐ ᐁ ᐃᔑ ᑎᐯᔨᒥᑯᔨᐦᒄ ᒪᒋᐦᑣᐎᓐ᙮ ᒋᑲ ᒦᑰᓈᓅ ᐁ ᐅᔅᑳᒡ ᐱᒫᑎᓰᐎᓐ ᓀᔥᑕ ᑳᐤ ᒉᒌ ᒥᔪ ᐐᒉᐅᐦᒄ ᒋᔐᒪᓂᑑ᙮ 4) ᐸᔦᐦᒋᓰᐎᓂᐦᒡ ᒋᐹ ᐃᔑ ᐱᒫᑎᓰᓈᓅ ᑲᔦ ᒋᐹ ᐐ ᓇᐦᐁᔨᐦᑕᒥᐦᐋᓅ ᒋᔐᒪᓂᑑ ᑖᓐ ᐁ ᐃᔑ ᐱᒫᑎᓰᐦᒄ ᐁ ᑴᔅᑳᑎᓰᐦᒄ᙮