Uu naapeu Philemon kaa ishinihkaasut chii niikanishkam ayimiheukamikuyuu anite Colossae kaa ishinihkaateyich ihtaawiniyuu nesht kaye chii uwiichewaakanuu aniyuu Paul. Chii chimutamaakuu maak shuuliyaayuu aniyuu utaapachihaakan, Onesimus kaa ishinihkaasuyich nesht chii ushimuyuu anite ishi Romehch. Mekwaach maak anite kaa ihtaat chii nachiheu aniyuu Paul, ekut kaye kaa uhchi kweskaatisiit. Paul maak chii chiiwetishahweu aniyuu Onesimus anite Philemon e ihtaayich e chii masinahamuwaat Philemon. Chii nitutamuweu Philemon chechii wepeyihtamuwaayich aniyuu utaapachihaakaniyuu Onesimus nesht muyaam e wiichishaanit chechii ishi kanuwaapamaayich anite ishi Christ e ihtaayich ishpish wii utaapachihaakan kaa ushimuyich chechii ishi kanuwaapamaayich.