Eukw uyuu Paul uwiichewaakan. Chii uschiniichuuyuuh iskutak kaa kweskatisiyich anit mekwaach niishtam kaa papaamuhtataat miywaachimuwiniyuu. Chii wiicheweu maak Paul iskutak miin kaa chistuhteyich ekut maak kaa uhchi wiichihaat Paul aniyuu e itaapatisiyich. Ekut maak anit mekwaach kaa masinahahk Paul uyuu masinahiikaniyuu. Kaa chiskutaamachet chii itaapatisuu Timothy kaye chii niikaanishkam ayimiheukamikuyuu anite Ephesus. Eshkw naashch chii awaashiyuu Timothy chechii ayaat aapatasiiwiniyuu uyuu e ishi chisteyihtaakuniyich e niikaanishkahk ayimiheukamikuyuu. Ekw Paul kaa masinahamuwaat e wii wiichihaat kaye e wiihtamuwaat taanite che ishi naanaakachihtaayich utaapatisuwiniyuu. Aniyuu maak kaa masinahamuwaat chii chiskutamuweu iinuuh taan che ihtiyich anite ayimiheukamikuhch e ihtaayich kaye e niikaanishkahk awen taan chipaa ishi naanaakachihtaau.