Iskutak kaa chiishihtaat aniyuu nishtwaau e chii chistuhtet Paul miywaachimuwiniyuu e papaamuhtataat ekut maaskuuch kaa masinahahk uyuu. Aniyuuh maak Rome kaa itiskaanesiyich kaa taapwehtamiyich miywaachimuwiniyuu eukunh aniyuu kaa masinahamuwaat. Kaau anite Jerusalemihch chii ituhteu. Ekw kaa iteyihtahk miin chechii ituhtet Romehch. Chek aniyuu aschiiyuu Spain kaa ishinihkaateyich ekute kaa wii ituhtet. Mistahii ihtakun kuiskutaatisiiwin e aayimuutech utah uu masinahiikan Neu chekwaayuuh chihchiwe chii aayimuuhiikuu Paul. 1) Namui mitun ihtaau awen e kuiskutaatisiit. Namui waawaach peyakw awen. 2) Jesus Christ eukw tekash e kuiskutaatisiit. 3) Chiispin taapweyimahkwe Jesus mitun chika wiihkuchihiikuunaanuu taan e ishi tipeyimikuyihkw machihtwaawin. Chika miikuunaanuu e uskaach pimaatisiiwin neshta kaau chechii miyu wiicheuhkw Chishemanituu. 4) Payehchisiiwinihch chipaa ishi pimaatisiinaanuu kaye chipaa wii naheyihtamihaanuu Chishemanituu taan e ishi pimaatisiihkw e kweskaatisiihkw.