Jehová Diosdan, nukubekiaki, na nawati janchadan
Corén baken kanta kenenikiaki
46
Jawada bikajaida nun teneai nukun Diosun nuku medabewamiski.Nuku kexekin nuku adua tsuan nuku metiduma
Dios nukun kushipajaidaki.
2 Pacha sakukin mai chudunwankin
ja mati tibi tsekebain ianenwan nuajaida medan pukui keyubiaya
nun jawen taea nun jawa dateama ixanaii.
3 Ianenwan shubi buspu tsaubidani jawen jui kain meseai ninkabiai
nun jawa dateama ixanaii.
Mai mati matipa sinatai pacha sakui saki saki iki mesejaidabiaya
nun jawa dateama ixanaii.
4 Jene ewapa texexa dabedan, jabudan, Diosun mae jawen benimakanikiki.
Dios dasibi binuatun mae medibi chakabumajaida jawen benimaikiki.
5 Ja mae medan Dios jiwexun jatu tsuma keyuaki.
Xaba betsa taxniai tibi Diosun medabewakubainikiki.
6 Diosun jawen jancha nawa tibi jatu ninkamaitian
datei saki saki iki jatun jui denke ixankanikiki.
Mai yamakainaya xanen ibu tibitun jatun kushipa benuxankanikiki.
7 Ja nukun Jehová Dios dasibi kushipa binu keyua na jabia nukubeki.
¡Jacobun Diosunan, nuku kexekin nuku adua tsuan nuku metidumaki!
8 Jehován jawen kushipawen na mai anuxun nawabu jatu dateakeakeimadan,
nedi bexun uin bekanwen.
9 Mai kesuakea anua jatube detenamekin
jatun pia tekekin jatun jashi teke keyukin
januxun jatun detenameti caballo tadanmabainti
ana tsuabe detenametidubuma wakin jawen jenekin chiwen jatu menun keyuimaki.
10 “¡Ea kenwankin ea unanti wakanwen!”
¡Eadan, en Jehová Dioski!
¡Jiwebaunabu mamaki en ea jiweaki!
¡Mai jidabi mamaki en niaki!
11 Ja nukun Jehová Dios dasibi kushipa binu keyua na jabia nukubeki.
¡Jacobun Diosunan, nuku kexekin nuku adua tsuan nuku metidumaki!