Pawlos yawiya pa se barko pa Roma
27
Kimani omokawak ka in tahtol pa tiyaloskya pa se barko tehwante pa Italya,
okitemakak Pawlos wan oksek takam katkaloya tatsakwalme ka se wetatakewan itok Yulyo,
yewal tatakewaya ka 100 gwacho',
yehwante niyok katkaloya pa in we tanichikol ka in Kaysar Awgustus.a
2 Titehkok pa se barko yewal katka kaha asiloya in barko pa Adramityon yewal yayaptiyaya pa AsíYah.
Niyok ka tehwante yawiya Aristarko',
yewal katka TesaloNike pa in Wepweblo Makedonya.
3 Pa mostatik ti'asik pa Tsidón,
wan Yulyo kwal okichiwil Pawlos,
wan okimak pa kinpashaloskya ininnihniwan taneltokalme pa Tsidón,
pa yok kwal kichiwililoskya.
4 Pa Tsidón tiwalkisak pa in barko wan tipanoloya pa in wehwe'atim Kipros kampa tishnamikiyaya yehyekat.
5 Kwah otipanok in Wehwe'atim pa Kilikya wan Panpilya,
wan oti'asik pa Mira pa in Wepweblo itok Likya.
6 Ompa okit in niwetatakewan gwacho se barko Alesandríya,
yewal yawiya pa Italya,
wan otishtake pa titakisaloskya.
7 Wan pa miyak tonatim tiyaloya yolikit pa in barko wan ka miyak chikawaliste ti'asik pa Kenidos.
Kampa in yehyekat tishnamikiyaya chikawak,
kwakin tipanok i'ishpa Salmoná,
titayawalok pa in wehwe'atim Keréta;
8 wan ka miyak tekipanoliste tipanok in wehwe'atim wan oti'asik kaha asiloya barko ta'itok Bwenos Pwertos,
amo wehkA mokawaya in Wepweblo Lasaya.
9 Kina opanoya miyak tonatim,
wan katka tamaptiliste pa panoloskya pa in wehwe'atim kampa omopanolti in tonat mosawaloya.b
Pawlos kinnawatiyaya,
10 kinmiliyaya:
—Masewalme,
nikit kampa amokwal tishyas pa to'ok wan miyak motapolo,
amoten ika han nitamamal barko hanwel niyok toyoliliste tehwante.
11 Ma yok niwetatakewan gwacho' amo okinek okikak Pawlos yok okonan ni'ot,
okichi kina kitowaya in tats nibarko wan nikapitan barko.
12 Wan kaha asiloya in barko amokwal pa panoloskya sewalko,
kwakin miyak kitoloya pa tikisaloskya wan ta kwal ti'asiloskya pa Poynikes,
yewal kaha asiloya barko pa Keréta yewal moka pa tatsintaSur wa niyok takpakNorte,
wan ompa tipanoloskya sewalko.
Yehyekaya hyero pa in wehwe'atim
13 Kimani,
walyehyek yolikit pa in tatsintaSur,
tamatiloya kampa kipiyaloya in ten kinekiloya ka in yehyekat.
Yok kinahkokik in tapihpilolme wehwe yehyetik,
wan tikonanak itenko in tal tipichi itok Keréta.
14 Panok sek tonatim kwakin hyero owalyehyek ka tapakyawaliste itokaya Noreste,
15 wan in barko okiwilan yehyekat wan amokwal kina timowikaloskya pa ta'ishpa kampa yehyekat tishnamikiyaya,
yok timomakawaltik pa tishwikaskya.
16 Titayawalok pa se tal tipichi ipanta wehwe'atim itok Kla'uda,
ompa kaha amo kongana yehyekaya,
wan ka miyak chikawaliste tihkistik in barkit ka timokistililoskya toyoliliste.
17 Pa kimani kitakistik in barkit ikpak in webarko,
kwakin kilyarok ka kabresto ki'ilpik barko.
Timomaptitiyaloya kampa barko tiliniskya pa in shalWe kampa amo wehkat katka yewal itoka Sirte,
kintemowik in shashalme wehwe wan momakawaltik pa kinwikaskya yehyekat.
18 Pa mostatik hyero yehyekatikatka yok okintasak nitamamal in barko pa wehwe'atim;
19 wan pa yey tonatim,
ka ininmahwam okintasak pa wehwe'atim in ten kitishmonekiya se barko.
20 Wan pa myak tonatim amo tikitaloya tonat wan inik sitalme,
wan se we tapakyawaliste tishasiyaya,
kampa tikpololoya mochi totamatiliste amo tikchiyaloya pa tiyoliloskya.
21 Tikpiyaloya miyak tonatim ayamo titakwaloya,
yok yewal Pawlos omokets ipanta ka moshte wan kito:
—Nonohniwan taneltokalme,
ta anmehwante annishkakiloskya kina annimichiliyaya ta amo tikisaloskya pa Keréta wan yok amoten kipanoskya barko wan tehwante.
22 Ma yok ashka shimochikawaltik kampa amo'ak ka anmehwante kipolos niyoliliste,
hanwel mopolos in barko.
23 Wan pa tayo omoneshti in NitanawatilanhelDyos,
yewal newal niktekipanoli wan yewal inak ni'onka,
24 wan nichili:
“Amo shimomapti Pawlos,
tikpi kampa timoneshti ka in Kaysar wan Dyos mishpalewis pa tiyolis wan moshte yehwante kishki yal pa in barko.”
25 Yok shimochikawaltik,
tatsim!
Kampa newal nikpi taneltokaliste pa Dyos wan nihmat kampa yok motachiwas kina nichili in Nitanawatilanhel.
26 Yok yehyekat kipi kampa tishashilti pa se tal tipichi ipanta wehwe'atim.
27 Kimani tikpiyaloya 14 yowalme wan in yehyekat tishwikatinem,
ipa in wehwe'atim itok Adriyáteko,
yok pa ipanta yowal inik masewalme tamatiloya kampa ti'astiyaloya pa tal.
28 Kitamachiwaloya kishki wehkat katka in at wan katka 36 metro' wehkat,c
wan amo wEhka oksep okitamachiwak katka 27 metro'd wehkat.
29 Momaptitiyaloya pa motewiloskya ika se tet,
okinmakawak nawi tapihpilolme wehwe yehyetik ikwitapBarko,
wan kitahtaniloya Dyos pa tanesiskya.
30 Wan in masewalme yaloya pa in barko kinekiloya chololoskya,
wan kitemowiloya in barkit pa in wehwe'atim,
mokwamantikatkaloya kichiwaloya kina ta yehwante yaloya kitasaloya in tapihpilolme wehwe yehyetik ta'ishpa pa in barko.
31 Kwakin Pawlos kili niwetatakewan gwacho' wan iningwacho:
—Ta inik takam amo mokawal pa in barko,
anmehwante amokwal mokistiliste anmoyoliliste.
32 Kwakin inik gwacho' kinkotonik kabresto pa in barkit yewal ilpitikatka wan kimakawak pa wetsiskya pa in wehwe'atim.
33 Pa kimani tahtanistiwalaya,
Pawlos kintahtaniyaya moshte pa kikwaloskya ten,
kinmiliyaya:
—Ankipiyal 14 tonatim kampa anmehwante ayamo antakwal kampa ankichishtikat ten panos.
34 Annimishtahtani kampa anshikwak ten kampa anmishteshmonek pa anyeske takistiliste pa poliwiliste.
Kampa amo'ak kipolos ni se tsonte pa nitsontek.
35 Kwah kito in,
Pawlos okonan se pan okimak tashtawaliste Dyos ininishpa moshte.
Kwakin okishel pan wan otakwa.
36 Kwakin moshte mochikawaltik wan niyok otakwak.
37 Pa in barko tikatkaloya,
276 masewalme.
38 Moshte titakwak kishki tihnekik,
kwakin,
kitasak trigo pa in wehwe'atim pa amo yetik yeskya barko.
In barko opolak pa in wehwe'atim
39 Kimani otanes,
in tal amo ki'ishmatiloya wan okitak kaha moketsaloya barko yewal tashaltik takatka wan kitaloya ta kwal ki'asiltiloskya ompa in barko.
40 Kinkotonak kabresto' yewal ka ilpitikatkaloya tapihpilolme wehwe yehyetik pa wehwe'atim,
wan kinkahkashanak ka kinehnemiltiloya barko.
Haniman kitakistik shashal tilawak yewal katka ta'ishpa kampa yehyekatikatka kaha takwak yok in barko mo'asiltitiyaya pa itenko in wehwe'atim.
41 Ma yok omoka tilintik in barko pa shal amokwal moliniskya ta'ishpa,
wan takwitap shitintiyaya kampa hyero kongana motawitekiyaya at.
42 Kwakin in gwacho' kinekiloya kinmiktiloskya in takam tatsakwalme,
pa yok amo motasaloskya pa chololoskya.
43 Wan niwetatakewan gwacho kinekiya kipalewiskya pa in mikiliste Pawlos,
wan amo kinka in gwacho pa kichiwililoskya ten amokwal,
han otatake pa motasaloskya inik kimatiloya taneloloya pa asiloskya itenko,
44 wan yehwante amo kimatiloya taneloloya mopaleptiyaloya ka tabla' wan niyok ka nitahtahko in barko.
Yok opan kampa moshte kwal asik pa tal.