3 wan tatake pa kintsakwaloskya kaha tatsawal katka Yosé,

pa nikal niwetatakewan gwacho'.

4 In wetatakewan gwacho okitake Yosé pa kinkwitaptiyaskya yehwante wan yewal kintikipanoliyaya wan yehwante oyek miyak tonatim tatsakwalme.

Wan yehwante miyak tonatim tsaktiyak,

5 ompa pa in tatsakwaliste,

pa se yowal in kopero wan in panadero ka in werey pa Egipto,

kipiyak pa sesen se tatemikiliste pa se yowal wan pa sesen kipiyaloya ten kinek kitoskya.

6 Kwah Yosé owal okinmit pa watsinko,

okinmit,

wan kampa moyokoltitikatkaloya,

7 kwakin kintahtanili inik wetatakewalme para'ó yewal katkaloya tatsakwalme kina yewal pa nikal in Tats:

―Pates anmoshayak amokwal nesil?

8 Yehwante kinankilik:

―Moshte omente titatemikik wan amo'ak onka ak tishnawati ten kinek kito totatemikiliste.

Kwakin Yosé kinmili:

―Han Dyos yewal kipi chikawaliste pa tishmashtis ten kinek kili se tatemikiliste.

Shichilik ten ankitemikik?

9 Kwakin in wetatakewan ka in kopero kitakichili Yosé ten kitemiki:

―Pa notatemikiliste nikit se kwahmil ka uba' pa no'ishpa,

10 pa in uba' katkaya yey tsimolinke uba'.

Kikisaya nishoch;

wan hani nitaki yoksiyaya.

11 Nikpiyaya pa nomahwa nitapalkatonte para'ó.

Nihkitske in uba',

nikpatska nihugoUba pa in tapalkatonte,

wan niktal pa nimahwam para'ó.

12 Kito Yosé:

―In kinek kili:

in yey tsimolinke kat yey tonatim.

13 Ma yok kwah panoske yey tonatim mishkishti para'ó wan mishtali oksep pa tiktikipanoli.

Wan tiktali nitapalkatonte pa nimahwa para'ó,

han kina tikchiwiliyaya,

kwah tikatka nikopero.

14 Kwah yok motachiwas in newal nimishtahtani kampa shinishihnil.

Wan shikilnamikiltil nahnewal in para'ó pa yok nishkishti pa in tatsakwal.

15 Kampa newal nishishtikik,

pa in tal hebreteko'.

Wan amoten onikchi pa nishtsakwaloskya!

16 Kwakin in panadero in wetatakewan kikak kina kili Yosé in kopero kina kwal katka tatemikiliste yewal kitakichiliya Yosé kili:

―Newal niyok nitatemik.

Nikinmit yey chikiwim pa notsontek ka pan.

17 Pa in chikiwit katka takpak,

katka ka miyak kwal nesiloya pane' ka in para'ó,

wan inik totom walaloya kikwaloya inik pane' pa in chikiwit yewal katka ipa notsontek.

18 Kito Yosé:

In kinek kito:

―In yey chikiwim kat yey tonatim.

19 Kwah panoske yey tonatim,

in para'ó mishkotonili moshontek misalo pa se kwawit,

wan totom kikwaske monaka pa mokwerpo monakayo.

20 Kwakin pa yey tonatim katka in tonat yewal nitakatiliste para'ó,

wan temak miyak takwaliste pa mitotiliste pa moshte inik inintikipanolme wetatakewalme.

Tatake kinkishtik in wetatakewan kopero wan in wetatakewan panadero yehwante katkaloya tatsakwalme kinwalikak ininishpa inik inintikipanolme wetatakewalme.

21 Kikwipil in we kopero pa kitikipanoli wan yok oksep kital nitapalkatonte pa nimahwam para'ó pa koniskya nihugoubaBino.

22 Ma yok kisal pa se kwawit in we panadero han kina kili Yosé,

kwah kinawat ten kinek kitoskya nitatemikiliste.

23 Ma yok,

in we kopero amo ki'ilnamik Yosé,

ki'ilka.