Dyos okichi tahtoliste ka No'á
9
Dyos kimashti No'á wan ininpilwam wan kinmili:
“Shikinmiyapti anmopilwam,
wan shiktemiltik pa mochital.
2 Wan mochi tekwanim wan totom pa ilwikak wan mochi inik mowilanal ipa tal wan mochi michim pa we'at momaptiske ininishpa takam.
Annimishmak pa ankichiwaske ten ka yehwante.
3 Mochiten yewal yolil wan molinil,
annimishmak pa ankikwaske.
Niyok annimishmak tatokaliste.
Annimishmak mochiten.
4 Ma yok,
amo ankikwaske nakat kipiyas yEste,
amo shikwak kampa yEste kipi yoliliste.
5 Newal niktahtanis tahtolme aki tamiktis,
ta se tekwan okimikti se takat,
in tekwan kipi pa mikis wan ta se takat tamikti niyok kipi pa mikis.
6 ”Ta ak tamikti,
niyok kimiktiske,
kampa in masewal ye tachiwal
kina Dyos tachiwal.
7 “Wan anmehwante annimichilis,
shimomiyaptik shikinpiyak anmopilwam pa anyeske myak pa tal.”
8 Dyos kili No'á wan ininpilwam,
wan kinmili:
9 “Newal niktali notahtoliste ka anmehwante,
ka anmokolinchim yehwante antakatiske,
10 wan ka mochi tekwanim yehwante kat ka anmehwante,
mochi kishki kisak pa kal:
totom,
wan tekwanim yolil ka takam wan tekwanim yolil pa kwawim ka mochi yewal yolil pa mochital.
11 Niktalis notahtoliste ka anmehwante:
amo'ik nikinshitinis inik kinpiyal mochi yoliliste ka se tapakyawaliste;
amo'ik oksep yes tapakyawaliste pa yok amo kishitinis tal.”
12 Wan Dyos kito:
“Ina nitaneshtiliste ka tahtoliste yewal newal niktali ka newal wan ka anmehwante wan mochiten yolil ka tehwante:
13 Ashka oniktal nokosamalot arko pa ayawim,
ina yes taneshtiliste ka tahtoliste ka newal wan ka tal.
14 Kwah nihwalika ayawim pa takpakIlwikak ipa mochital,
wan moneshti nokosamalot arko pa ayawim,
15 wan nikilnamikis notahtoliste yewal onikchi ka anmehwante wan mochi yolikilme mochi kishki kipiyal nakatilme.
Wan amo yes tapakyawaliste ka atim pa shitiniske mochi nakatilme.
16 Kwah nokosamalot arko yes pa ayawim,
newal nikitas wan nikilnamikis notahtoliste inak Dyos wan mochi yolikilme ipa mochital.”
17 Kili Dyos No'á:
“Ina nitaneshtiliste ka tahtoliste oniktal pa mochi inik yolinilme onka ipa mochital.”
Ininpilwam No'á
18 Ininpilwam No'á okisak pa arka yek Shem,
Kam wan Yapet.
Kam,
oye nitats Kanán.
19 Inik yek ininpilwam No'á ka yehwante takatik in nikolinchim yehwante mosesemanak pa in tal.
20 No'á kitikipanoli tal,
wan okitok se kwahmilUba.
21 Wan okon nihugoUbaBino otawan,
wan nakatil katka pa nikal tachiwal ka shashal tilawak.
22 Kam,
nitats Kanán,
okit nitats kina katka nakatil wan oy okinmil in omente ninohniwan,
katkaloya pa kiyawak.
23 Kwakin Shem wan Yapet okonanak se shashal,
kitalilik pa niyahkwal,
wan nehnemiloya ka inkwitap,
kitakemiltik nitats kaha nakatil.
Yok tachiyaloya oksela,
pa amo kitaloskya nitats pelado nakatil.
“Ma ye amokwal Kanán!
Yes tikipanol ka tikipanoliste
ka ninohniwan.”
26 Niyok kito:
“Ma kimashti in WeTatsDyos,
niDyos Shem!
Wan Kanán yes nitikipanol!
27 Ma kichiwil we Dyos nital Yapet!
Ma mochanti Yapet pa nikalme Shem yewal kat tachiwal ka shashal tilawak,
wan ma ye Kanán nitikipanol!”