Yahuza a̱yi ɗa vuza na u ɗanai katagarda ka nam pa. A̱yi ɗa vangu vi Yesu. Ci yeve ta̱ nannai adama a na u danai Yakubu ɗa vuza ni, a̱yi Yakubu vangu vi Yesu ɗa.

Yahuza u ɗanai adama a na u dansuka aza o Kutoni adama a ukuna wu nlum ma aꞋuwa. U dansukai aza o Kutoni ka̱ta̱ o tono kuyotsongusu ku nlum ma aꞋuwa n nan lo ba. Ɗa kpamu u dansukai le adama a na ka̱ta̱ o tono agisana a gbani-gbani o kuyongo a̱ ubuta̱ u uma a nan lo ba.

Nlum ma aꞋuwa mi ta̱ lo anana feu. U ci yaꞋan ta̱ adanshi u gaꞋan ta̱ o tono le. Ɗa atakaci n a̱bunda̱i a̱ gita̱i kuta̱wa̱. Katagarda ka Yahuza ki ta̱ o kuyotsongusu ɗa̱ ka̱ta̱ i yeve nlum m mayun koɓolo nu nlum ma aꞋuwa.