Ayin a na vuzavusuki Bulusu u ɗanai akaka a nam pa, a̱yi a̱ kunu ku ugbashi adama a na wi ta̱ o kutono Yesu. U ɗanakai Filimo vuza na wi o kutono Yesu akaka a nam pa a.

Bulusu n Filimo vuza ɗa n ka̱ja̱Ꞌa̱ ka̱ ni kafu a zuwa Bulusu a̱ kunu ku ugbashi. Filimo wi ta̱ n uciyi ali n agbashi a̱ ka̱ci ka̱ ni. Kagbashi ka na e ci ɗeke Unisima u fa̱ta̱tsa̱i e ekiye a̱ ni ɗa u sumai. Nannai ɗe, Unisima u ka̱na̱i kuɓa̱nka̱ Bulusu a ayin a na wi a̱ kunu ku ugbashi, ɗa a̱yi feu wo okpoi vuza vu kutono Yesu adama a kadanshi ka̱ Bulusu. Gogo na Bulusu u ciga ta̱ Unisima u bono u vuzagbayin vi ni Filimo. Bulusu u ciga ta̱ feu Filimo u rabasa kagbashi ka̱ ni ka na ko bonoi va tsu na u gaꞋin ka̱ta̱ kpamu u neke Yesu Kishi tsugbayin.

Katagarda ka nam pa ko yotsongusu ta̱ ka̱u ukuna u kucinukpaka n unushi. Ko yotsongusu ta̱ uteku u na vuza vi kelime vu Kutoni u kuyaꞋan ulinga u ni tsu vuma vu usuɓi, vuza na u kugita̱ biꞋi kuyaꞋanka ka̱ci ka̱ ni kasingai kafu u dansuka uma uteku u na o kuyongo.