Cristo tatintrin pachis etserkamu
4
Ii Apuri timiá kakaram asa, tawai tusam aints ainau ujakta: Wait wajaktin kinta jeatak wajasi. Nu kintaka aints eper keemakam kapaawa nunisarang aints miajuitjai tinu ainausha tura pasé aints ainausha mash kapaarartinuitai. Tura asar kichkisha ampintrarchatnuitai. Antsu atum wina umirtakrumka, tangku jeanmaya tsekengkiar jiininak warainawa nunisrumek warastinuitrume. Nu kintaka aints nungka tsetserin najainawa nunisrumek atumka pasé aints ainauka najartinuitrume. Wikia umirtuktin chichaman wina inatir Moisésan akuptukmiaja nuka aneaku ataram.Atumka nintimrataram. Tunau ainau amuktin kinta jeatsaing, wina chichamrun etsernun Elíasan ataksha akuptuktinuitjarme.a
Wi turamtai Elías taa, uchirtin ainau ni uchirijai tsangkurnairar pengker nintimtunisar pujusarat tusa chichastinuitai. Antsu Elíasa chichamen pachinachmataikia wi taratnuitjai. Tura asan atumi nungkarin mash mesturtinuitjarme, Yus tawai tusam aints ainau ujakta, Malaquías tu aarmiayi.b